केज तालुक्यात खळबळजनक घटना!! तुमची मुलगी मला द्या म्हणत शिक्षकावर कुऱ्हाडीने सपासप वार, उडाली खळबळ..
बीड : केज तालुक्यातील वरपगावमध्ये एका शिक्षकावर गावगुंडाकडून जीवघेणा हल्ला करण्यात आला आहे. तुमची मुलगी मला द्या, अशी मागणी करत गुंडाने शिक्षकाला मारहाण केली आणि त्यानंतर त्यांच्या गाडीवर ट्रॅक्टर घालून त्यांना गंभीर जखमी केलं. यामुळे एकच खळबळ उडाली आहे. याबाबत पोलीस तपास करत आहेत.
या घटनेने बीड जिल्ह्यातील गुन्हेगारीच्या घटनांनी पुन्हा एकदा कायदा आणि सुव्यवस्थेच्या स्थितीवर मोठा प्रश्नचिन्ह निर्माण केला आहे. या घटनेनंतर परिसरात भीतीचे वातावरण पसरले आहे. शिक्षकाच्या नातेवाईकांनी हा अपघात नसून, ठरवून केलेला हल्ला असल्याचा आरोप केला आहे. शिक्षकाच्या कुटुंबाने पोलीस अधीक्षकांची भेट घेऊन कारवाईची मागणी केली आहे.
जखमी शिक्षकाचे नाव बाजीराव डोईफोडे असून, सध्या त्यांच्यावर बीडमधील खाजगी रुग्णालयात उपचार सुरू आहेत.सध्या बीड जिल्ह्यात हत्यांचे प्रमाण, मारहाण, दरोडे आणि गुन्हेगारी वाढतच चालली आहे. केजमधील ही घटना आणि माजलगावमध्ये हॉटेल मालकाचा खून या दोन्ही घटना भयंकर आहेत.
यामुळे बीड महाराष्ट्राचं बिहार होतोय का?” असा सवाल उपस्थित करत आहेत. दरम्यान, केज पोलीस ठाण्याने घटनेचा तपास सुरू केला असून, हल्लेखोराच्या अटकेसाठी शोधमोहीम राबवली जात आहे. मात्र, या प्रकरणात नेहमीप्रमाणे उशीर झाल्यास लोकांमध्ये असंतोष अधिक वाढण्याची शक्यता आहे.
दरम्यान, बीड जिल्ह्यात दिवसेंदिवस गुन्हेगारी वाढत छाळली आहे. यामुळे याबाबत प्रशासनाने दखल घेऊन कारवाई करण्याची मागणी केली जात आहे. संतोष देशमुख यांच्या हत्येनंतर सध्या याठिकाणी अनेक गंभीर गुन्हे समोर येत आहेत.
