धनंजय मुंडे यांच्या पत्नी राजश्री मुंडे यांच्या कारचासोरतापवाडीत अपघात ; अपघातातकारचा दर्शनी भागाचा झाला चक्काचूर ….
उरुळीकांचन : पुणे- सोलापूर राष्ट्रीय महामार्गावरील सोरतापवाडीफाटा(ता.हवेली)राज्याचे कृषीमंत्री धनंजय मुडे यांच्या पत्नी राजश्री मुंडे यांच्या अलिशान लॅन्ड क्रुझर या गाडीचा अपघात झाल्याची घटना गुरूवार (दि.१७) पहाटे घडली आहे.
या अपघातात मुंडे यांच्या लॅन्ड क्रुझर वाहनाने ट्रॅव्हल्सचा पाठिमागून जोरदार धकड दिली आहे. या अपघातात राजश्री मुंडे या सुखरुप असून त्या दुसऱ्या वाहनाने पुण्याच्या दिशेने रवाना झाल्या आहेत.
कृषीमंत्री धनंजय मुंडे यांच्या पत्नी राजश्री मुंडे या आपल्या लॅन्ड क्रुझर कारने पुण्याच्या दिशेने जातहोत्या. पुणे सोलापूर महामार्गावर सोरतापवाडी फाट्याजवळील घुलेपेट्रोल पंपासमोरुन जाणाऱ्या खाजगी ट्राव्हल्स गाडीचा अंदाज न आल्याने मुंडे यांची कार क्र.हिने ट्राव्हल्सला पाठिमागून धडक दिली. हि धडक इतकी जोरदार होती की, लॅन्ड क्रुझर कार महामार्ग सोडून रस्त्याच्या बाहेर फेकली गेली. सुदैवाने गाडी पलटी न झाल्याने राजश्री मुंडे व चालक हेदोघेही सुखरुप आहेत.
त्यानंतर मुंडे या खाजगी वाहनाने पुण्याच्या दिशेने निघून गेल्या आहेत. या अपघातात त्या सुखरूप असल्याची माहिती स्थानिकांनी दिली आहे.
