Pune News : धक्कादायक! पुण्यात निवृत्त पोलिस निरीक्षकावर प्राणघातक हल्ला, दगडाने अमानुष मारहाण, अन्…

Pune News : कोंढवा येथे वास्तव्यास असणारे निवृत्त वरिष्ठ पोलीस निरीक्षक वजीर हुसेन शेख यांच्यावर जीवघेणा हल्ला झाल्याची घटना समोर आली आहे. या हल्ल्यात शेख हे गंभीर जखमी झाले असून त्यांच्यावर रुग्णालयात उपचार सुरू आहेत. या घटनेने पुण्यात एकच खळबळ उडाली आहे.

मिळालेल्या माहिती नुसार, वजीर हुसेन शेख हे काही दिवसांपूर्वीच नोकरीतून निवृत्त झाले होते. ते कोंढवा परिसरात राहायला होते. काल शुक्रवारी रात्री साधारण ८.३० मिनिटांच्या सुमारास हुसेन यांना अज्ञात व्यक्तींनी अमानुष मारहाण केली.

दरम्यान, या मारहाणीत शेख हे गंभीर जखमी झाले असून त्यांच्यावर सध्या वानवडी येथील रुबी हॉस्पिटलमध्ये दाखल आहेत. घटनेची माहिती मिळताच वानवडी पोलिसांनी घटनास्थळी धाव घेत शेख यांना उपचारासाठी रुग्णालयात दाखल केले.

नेमका हल्ला कुणी केला याबाबत अद्याप माहिती समोर आली नसली तरी जुन्या घटनेतून हल्ला झाल्याची प्राथमिक माहिती समोर आली आहे. या घटनेनं पुणे शहरात एकच खळबळ उडाली आहे. Pune News

पोलिसांनी या घटनेचा तातडीने तपास सुरू केला असून पथके रवाना करण्यात आली आहेत. गुन्हा दाखल करण्याचे काम सुरू असल्याची माहिती देण्यात आली आहे. गुन्हयाचा पुढील तपास वानवडी पोलिस करीत आहेत.