Pune : पुणे (हवेली )बाजार समितीचे सभापती दिलीप काळभोर यांची याचिका मुंबई उच्च न्यायालयाने फेटाळली! बाजार समितीचे सचिव यांना बैठक घेऊन निर्णय घेण्याचा अधिकार..!!
Pune उरुळीकांचन : पुणे (हवेली) कृषी उत्पन्न बाजार समितीचे सभापती दिलीप काळभोर यांच्या विरोधात दहा संचालकांनी केलेल्या सह्यांचे अधिकार काढण्याचा आदेशाला पणन संचालक विकास रसाळ यांनी हा निर्णय बाजार समितीच्या सचिवांनी घ्यावा तसेच सह्यांचे अधिकार काढण्याबाबत संचालक मंडळाची बैठक घेण्याचे निर्देश देण्याचा निर्णयाविरोधात मुंबई उच्च न्यायालयात सभापती दिलीप काळभोर यांनी दाखल केलेले अपिल सर्वोच्च न्यायालयाने फेटाळून लावित पणन संचालकांचा निर्णय कायम ठेवीत अपिल फेटाळून लावण्यात आली आहे.
त्यामुळे दहा संचालकांचा सभापती दिलीप काळभोर यांचा सह्यांचे अधिकार काढण्याचा मार्ग मोकळा झाला आहे. मुंबई उच्च न्यायालयात सभापती दिलीप काळभोर यांनी दाखल केलेल्या याचिकेवर सोमवार (दि.२२) न्यायाधीश अविनाश घारोटे यांच्यापुढे सुणावणी झाली. या सुणावणीत सभापती दिलीप काळभोर यांच्या वतीने वकील पी.एस.धानी, अभिजित कदम यांनी बाजू मांडली तर सहकार सचिव तसेच बाजार समितीचे संचालक यांच्या वतीने एम एस. गोडबोले व चेतन नांगरे तर बाजार समिती कडून यांच्याकडून एम.एल.पाटील व रोहन साळुंखे यांनी बाजू मांडली.
या सुणावणीत न्यायालयाने बाजार समितीचे सचिवांना दिलेले अधिकार ग्राह्य धरुन पणन संचालक यांनी बाजार समितीच्या संचालकांना दहा दिवसांत सह्यांचे अधिकार काढण्यासाठी संचालकांची बैठक लावण्याचा अधिकार असल्याचे स्पष्ट केले आहे. पणन संचालक यांनी सचिव यांना दिलेल्या अधिकारात संचालकांची बैठक घेण्याचे बाजार समितीच्या कायद्यानुसार आदेश आहेत. Pune
या मुद्दानुसार सभापती दिलीप काळभोर यांचे सह्यांचे अधिकार काढण्याची अपिल उच्च न्यायालयाने न्यायमूर्ती अविनाश घारोटे यांनी फेटाळून लावले आहे. त्यामुळे संचालकांनी दाखल केलेल्या कॅव्हेटचा उच्च न्यायालयाने दखल घेतली आहे. या निर्णयाने बाजार समितीच्या दहा संचालकांना संचालक मंडळाची बैठक बोलवून सह्यांचे अधिकार काढण्याचा ठराव घेण्याचा मार्ग मोकळा झाला आहे.
दरम्यान पुणे बाजार समितीच्या उपसभापती सारीका हरगुडे, मनिषा हरपळे,प्रकाश जगताप, नितीन दांगट, प्रशांत काळभोर, दत्तात्रय पायगुडे , अनिरुद्ध भोसले, संतोष नांगरे, लक्ष्मण केसकर शशिकांत गायकवाड या दहा संचालकांनी सह्यांचे अधिकार काढण्याची मागणी केली आहे. त्यामुळे पुढील काळात सभापती दिलीप काळभोर यांचे सह्यांचे अधिकारी काढण्याबाबत घडामोडी घडणार आहे.
