Pune : कोरेगाव भीमाला जाणाऱ्या अनुयायांसाठी महत्वाची बातमी! पोलिसांची विशेष सुविधा, जाणून घ्या…
Pune पुणे : भीमा विजयस्तंभ अभिवादनासाठी दरवर्षी लाखो लोक येतात. यामुळे याठिकाणी मोठा पोलीस बंदोबस्त ठेवण्यात येतो. यावर्षी पुणे पोलिसांकडून कोरेगाव भीमा विजयस्तंभ अभिवादनासाठी ‘जयस्तंभ गाईड 2024’ नावाने नवीन वेबसाईट तयार करण्यात आली आहे.
यामध्ये एका क्लिकवर सर्व माहिती उपलब्ध व्हावी यासाठी या वेबसाईटची निर्मिती करण्यात आली आहे. यामुळे याबाबत माहिती असणे आवश्यक आहे. अनुयायांना पेरणे येथे पोहोचण्यासाठी लागणारे सर्व मार्ग, पार्किंगची व्यवस्था, बंद रस्ते आणि पर्यायी मार्ग यांसह पीएमपीएल बसेस आणि वैद्यकीय सेवा देखील मिळणार आहे. Pune
नागरिकांची गैरसोय टाळण्यासाठी पुणे पोलिसांकडून जयस्तंभ गाईड २०२४ या वेबसाईटची निर्मिती करण्यात आली आहे. पुणे पोलिसांनी याबाबत प्रसिद्ध पत्रक जारी करत माहिती दिली आहे. यामुळे याचा फायदा होणार आहे.
अनुयायांना जयस्तंभापर्यंत जाण्याचा मार्ग, वाहनांचे पार्किंगची सुविधा एका क्लिकवर उपलब्ध करुन देण्यात आली आहे. या जयस्तंभ गाईड २०२४ चे लिंकचे अनावरण पुणे शहर पोलीस आयुक्त रितेश कुमार यांच्या उपस्थितीत करण्यात आले आहे.
यावेळी गुन्हे विभागाचे अपर पोलीस आयुक्त रामनाथ पोकळे, पुणे शहराचे उत्तर प्रादेशिक विभागाचे अपर पोलीस आयुक्त रंजनकुमार शर्मा, वाहतूक शाखेचे पोलीस उप आयुक्त विजयकुमार मगर, परिमंडळ ५ चे पोलीस उप आयुक्त ए राजा आणि पुणे शहर तसेच इतर मान्यवर उपस्थित होते.
या परिसरातून वाहतूक करणाऱ्या वाहन चालकांकरीता बंद रस्ते, पर्यायी मार्ग, पार्कंग, पी.एम.पी.एम.एल. बस स्टॉप, वैद्यकीय मदत, अनुयांयाकरीता उपलब्ध मार्ग, इत्यादींबाबत सविस्तर माहिती सोबत दिलेल्या लिंक आणि क्युआर कोडद्वारे उपलब्ध करून देण्यात येत आहे. यामुळे सर्वांनी याचा वापर करावा.
