Pune Crime News : धक्कादायक! ऑनलाइन अ‍ॅपवर झालेली ओळख पडली महागात; तरुणाचे अपहरण करुन अनैसर्गिक कृत्य..
Pune Crime News पुणे : ऑनलाइन अ‍ॅपवरुन झालेली ओळख एका महाविद्यालयीन तरुणाला चांगलीच महागात पडली आहे. भोसरी परिसरात तरुणाला शस्त्राचा धाक दाखवून त्याच्याशी तिघांनी अनैसर्गिक कृत्य केले. त्यानंतर आरोपींनी तरुणाला धमकावून त्याच्याकडील २८ हजार ५०० रुपयांची रोकड लुटल्याची घटना घडली. Pune Crime News
याप्रकरणी एका २१ वर्षाच्या तरुणाने बंडगार्डन पोलीस ठाण्यात फिर्याद दिली आहे. हा प्रकार रविवारी (ता. १) रोजी दुपारी चार वाजता घडला. Pune Crime News
मिळालेल्या माहितीनुसार, फिर्यादी तरुण तळेगाव दाभाडे येथील एका अभियांत्रिकी महाविद्यालयात शिक्षण घेत आहे. एका अ‍ॅपवरुन तरुणाची आरोपींशी ओळख झाली होती. आरोपींनी त्याला मैत्रीच्या जाळ्यात ओढले. त्याला पुणे स्टेशन परिसरात भेटण्यास बोलावले.
त्यानंतर ससून रुग्णालयाच्या प्रवेशद्वाराजवळ तरुणाला मोटारीत बसण्यास सांगितले. फिरायला जाऊ असे सांगून आरोपींनी त्याला मोटारीतून भोसरी एमआयडीसी परिसरात नेले. भोसरी एमआयडीसी परिसरात निर्जन जागी आरोपींनी त्याच्याशी अनैसर्गिक कृत्य केले.
दरम्यान, तरुणाला धमकावून ऑनलाइन पद्धतीने त्याच्या खात्यातील २८ हजार ५०० रुपये काढून घेतले. त्यानंतर तरुणाला सोडून तिघे जण मोटारीतून पसार झाले. या घटनेचा पुढील तपास पोलीस उपनिरीक्षक जाधव तपास करत आहेत.
