Pune Crime News : काका आणि पुतणीच्या नात्याला काळीमा! पुण्यात अल्पवयीन मुलीवर चुलत्याकडून लैंगिक अत्याचार…
Pune Crime News : शहरात महिला अत्याचाराच्या घटनांमध्ये अलीकडे वाढ होताना दिसत आहेत. बलात्कार, विनयभंग, छेडछाड अशा दिवसाला एक ते दोन घटना दररोज घडत आहेत. सध्या अशीच एकच काका आणि पुतणीच्या नात्याला काळीमा फासणारी घटना समोर आली आहे.
चुलत्याने आपल्याच १५ वर्षीय अल्पवयीन मुलीला पळवून नेत तिच्यासोबत जबरदस्तीने शारीरिक संबंध ठेवले. यातून पीडित मुलगी गरोदर राहिली. हा प्रकार १ नोव्हेंबर ते २४ जानेवारी या कालावधीत एच.पी. लोहीयानगर व सिंधुदुर्ग जिल्ह्यातील कुडाळ येथे घडला आहे. या घटनेने पुन्हा एकदा पुणे हादरले आहे.
याप्रकणी एच.पी. लोहीयानगर येथे राहणाऱ्या १५ वर्षीय अल्पवयीन मुलीने बुधवारी (ता.३१) खडक पोलीस ठाण्यात फिर्याद दिली आहे.त्यानुसार सुलतान अब्बास मकानदार (वय.१९ रा. रत्नागिरी) याच्यावर दाखल केला आहे. Pune Crime News
मिळालेल्या माहिती नुसार, आरोपी हा पीडित मुलीचा चुलत चुलता आहे. १ नोव्हेंबर रोजी पीडित मुलीची आई कामावर गेली असता आरोपीने मुलीला माझ्या सोबत चल असे म्हणत जबरदस्तीने कुडाळ येथे घेऊन गेला. पीडित मुलगी आरोपीसोबत कुडाळ येथे दोन महिने राहिली. याच दरम्यान आरोपीने तिच्यासोबत जबरदस्तीने शारीरिक संबंध प्रस्थापित केले.
यातून पीडित मुलगी गरोदर राहिली. यानंतर आरोपीने मुलीला शिवीगाळ करुन हाताने मारहाण केली. याबाबत रत्नागिरी जिल्ह्यातील खेड पोलीस ठाण्यात आरोपीविरुद्ध गुन्हा दाखल करण्यात आला. यानंतर हा गुन्हा खडक पोलीस पोलीस ठाण्यात वर्ग करण्यात आला आहे. या पुढील तपास महिला सहायक पोलीस निरीक्षक तोटेवार करीत आहेत.
