Pune Crime News : पुण्यात शाळकरी मुलाला धमकावून मारहाण करुन काढले न्यूड व्हिडीओ, नदी पात्राजवळ घडला भयंकर प्रकार…
Pune Crime News : पुण्यात अलीकडे गुन्हेगारीच्या घटनेत वाढ होताना दिसत आहे. सध्या अशीच एक धक्कादायक घटना समोर आली आहे. पुण्यातील डेक्कन परिसरात असलेल्या नदीपात्रात १६ वर्षीय शाळकरी मुलाला बेदम मारहाण करून त्याची विवस्त्रावस्थेतील व्हि़डीओ सोशल मीडियावर प्रसारित करण्यात आल्याची घटना घडली.
याप्रकरणी पोलिसांनी चौघांविरुद्ध गुन्हा दाखल करण्यात आला. या प्रकरणामुळे मोठी खळबळ उडाली आहे. या प्रकरणी अन्सू शर्मा (वय. १९, रा. मंडई) याच्यासह चौघांविरुद्ध गुन्हा दाखल करण्यात आला आहे. यासंदर्भात १६ वर्षीय मुलाच्या आईने डेक्कन पोलीस ठाण्यात फिर्याद दिली आहे.
मिळालेल्या माहिती नुसार, शर्मा आणि तक्रारदार महिलेच्या मुलाचा वाद झाला होता. महिलेच्या मुलाने मारहाण करण्यास काही जणांना पाठविल्याचा शर्मा याचा समज झाला होता. Pune Crime News
या कारणावरून शर्मा आणि त्याच्याबरोबर असलेल्या साथीदारांनी १६ वर्षीय मुलाला डेक्कन परिसरातील नदीपात्रात नेले. तेथे त्याला पट्टा आणि बांबूने मारहाण केली. नदीपात्रात त्याला विवस्त्र करण्यात आले.
मोबाइलद्वारे चित्रीकरण करून समाजमाध्यमात चित्रफीत प्रसारित करण्यात आली. आमच्याविरुद्ध पोलिसांकडे तक्रार दिल्यास तुमच्या समाजाच्या समूहावर चित्रफीत प्रसारित करण्यात येईल, अशी धमकी आरोपींनी दिली. पसार झालेल्या आरोपींचा शोध घेण्यात येत असून, डेक्कन पोलीस तपास करत आहेत.
