Pune Crime : १० रुपये देण्याचा केला बहाणा, अल्पवयीन मुलीसोबत अश्लील चाळे, एकाला अटक..
Pune Crime : शहरात महिला अत्याचाराच्या घटनांमध्ये अलीकडे वाढ होताना दिसत आहेत. बलात्कार, विनयभंग, छेडछाड अशा दिवसाला एक ते दोन घटना दररोज घडत आहेत. सध्या अशीच एक धक्कादायक घटना समोर आली आहे.
एका नऊ वर्षाच्या अल्पवयीन मुलीला दहा रुपये देण्याचे आमिष दाखवून तिच्यासोबत अश्लील वर्तन केल्याचा प्रकार वाघोली परिसरात घडला आहे. याप्रकरणी लोणीकंद पोलिसांनी एका व्यक्तीवर गुन्हा दाखल करुन अटक केली आहे. हा प्रकार रविवारी (ता.२६) रात्री साडे दहा ते अकराच्या दरम्यान घडला आहे.
याप्रकणी पिडीत मुलीच्या ३७ वर्षीय वडिलांनी लोणीकंद पोलीस ठाण्यात फिर्याद दिली आहे. त्यानुसार जावेद उर्फ आरीफ अमीर खान याच्यावर गुन्हा दाखल करुन अटक केली आहे. Pune Crime
पोलिसांनी दिलेल्या महितीनुसार, आरोपी आणि फिर्यादी एकाच परिसरात राहत. आरोपीने फिर्यादी यांच्या 9 वर्षाच्या मुलीसोबत अश्लील चाळे केले. तसेच तिला दहा रुपये देण्याचे आमिष दाखवून तिच्याकडे पाहून अश्लील हावभाव करुन जबरदस्ती करण्याचा प्रयत्न केला.
हा प्रकार पिडीत मुलीने तिच्या वडिलांना सांगितला. त्यांनी लोणीकंद पोलीस ठाण्यात धाव घेत आरोपीविरुद्ध तक्रार दाखल केली. पोलिसांनी गुन्हा दाखल करुन आरोपीला अटक केली आहे. पुढील तपास पोलीस करीत आहेत.
