Pune Crime : पुण्यातील वाघोली पोलीस चौकीसमोर पेटवून घेतलेल्या तरुणाचा मृत्यू, नेमकं घडलं काय?
Pune Crime : पुण्यामधून एक धक्कादायक घटना समोर आली आहे. पुण्यातील वाघोली पोलीस चौकीसमोर पेटवून घेतलेल्या तरुणाचा उपचारादरम्यान मृत्यू झाला. या घटनेने सर्वत्र खळबळ उडाली आहे.
रोहिदास अशोक जाधव (वय.३२ वर्ष, रा. वाघोली) असे मृत्यू झालेल्या तरुणाचे नाव आहे.
मिळालेल्या माहिती नुसार, मारहाण करणाऱ्यावर पोलिसांनी काय कारवाई केली, याची चौकशीसाठी आलेल्या रोहिदासला पोलिसांनी अपमानास्पद वागणूक दिल्याचा आरोप करत त्याने पोलीस चौकीसमोरच स्वतः ला पेटवून घेतले. ज्वलनशील पदार्थ अंगावर टाकून त्याने स्वतःला पेटवून घेतलं होतं. त्याने दिलेल्या तक्रारीत पोलिस योग्य ती कारवाई करत नसल्याने पोलिसांचे नाव घेत या तरुणाने आत्महत्येचा प्रयत्न केला होता. Pune Crime
यावेळी त्याने लोणी कंद पोलीस ठाण्याच्या हद्दीत असणाऱ्या वाघोली पोलीस चौकीसमोर त्याने स्वतःवर डिझेल टाकून पेटवून आत्महत्येचा प्रयत्न केला होता. आज त्याचा उपचार सुरु असतानाच मृत्यू झाला आहे. या घटनेने पोलीस दलात खळबळ उडाली आहे.
दरम्यान, या संपूर्ण प्रकरणी वरिष्ठ पोलीस अधिकाऱ्यांनी दखल घेत लोणी कंद पोलीस ठाण्याचे वरिष्ठ पोलीस निरीक्षक यांची तडकाफडकी बदली केली होती. तसेच, याच प्रकरणी दोन पोलीस कर्मचारी यांना निलंबित करण्यात आले होते.
