Pune Crime : पुण्यातील चंदननगरमध्ये धक्कादायक घटना, मैत्रिणीसोबत फिरायला गेलेल्या महिलेचा विनयभंग, 3 जणांवर गुन्हा दाखल..
Pune Crime पुणे : मैत्रिणीसोबत फिरण्यासाठी गेलेल्या महिलेचा विनयभंग करुन मैत्रिणीला शिवीगाळ केली. तर भांडण सोडवण्यासाठी आलेल्या व्यक्तीला मारहाण केल्याची घटना समोर आली आहे. Pune Crime
याप्रकरणी तीन जणांवर चंदननगर पोलीस ठाण्यात गुन्हा दाखल केला आहे. ही घटना रविवारी (ता. ८) रात्री साडे दहाच्या सुमारास खराडी येथील शॉन हॉल जवळ घडला.
मांगीलाल कान्हाराम चौधरी (वय. ४१) रमेश चौधरी (वय. ३९) अशोक चौधरी (वय. २३) असे गुन्हा दाखल करण्यात आला आहे. याप्रकरणी खराडी येथील ४२ वर्षाच्या महिलेने चंदननगर पोलीस ठाण्यात फिर्याद दिली आहे.
मिळालेल्या माहिती नुसार, फिर्यादी या जेवण केल्यानंतर मैत्रिणीसोबत शॉन हॉल जवळ फिरण्यासाठी गेल्या होत्या. त्यावेळी आरोपी दुचाकीवरुन भरधाव वेगात आला.
त्याने फिर्यादी यांना कट मारला असता त्यांनी गाडी नीट चालवता येत नाही का अशी विचारणा केली. त्यावेळी आरोपी मांगीलाल याने फिर्यादी यांचा हात पकडला.
तसेच मैत्रिणीचे केस ओढून तिला अश्लील शिवीगाळ केली. यावेळी भांडण सोडवण्यासाठी आलेल्या एका व्यक्तीला आरोपींनी मारहाण करुन धमकी दिल्याचे फिर्यादीत नमूद केले आहे.या घटनेचा पुढील तपास महिला पोलीस उपनिरीक्षक मुळुक करीत आहेत.
