Pune Crime : पुण्यात दारुड्या नवऱ्याचा पत्नीने केला खून! छातीत स्वयंपाक घरातील चाकूच खुपसला…

Pune Crime : दिवसागणिक पुण्यातली गुन्हेगारी वाढते आहे असं म्हटलं तरी हरकत नाही. कोयता घेऊन रस्त्याने फिरणे, टोळा धाडी, गाड्या जाळणे एवढंच नाही तर शुल्लक कारणांसाठी अंगावर काटा आणणारे प्रकार सध्या पुण्यात वेगात वाढले आहेत.

सध्या अशीच एक धक्कादाक घटना पुण्यातील नऱ्हे परिसरातुन समोर आली आहे. नवरा सतत दारु पिऊन त्रास देत असल्यामुळे रागाच्या भरात पत्नीने त्याला संपवले.रविवारी सायंकाळी ही घटना घडली असून या प्रकरणी पोलिसांत गुन्हा दाखल झाला आहे. पोलिसांनी आरोपी पत्नीला अटक केली आहे.

किरप्पा बिश्त (वय. ४२, मूळ रा. नेपाळ) असे खून झालेल्या व्यक्तीचे नाव आहे. याप्रकरणी हिरा बिश्त (वय. ४६) हिला सिंहगड पोलिसांनी अटक केले आहे.

सविस्तर माहिती अशी की, हे पती-पत्नी नऱ्हे परिसरातील मानाजी नगर येथील स्वप्नपूर्ती रेसिडेन्सीमध्ये सुरक्षारक्षक म्हणून राहत होते. किरप्पा हा दारू पिऊन वारंवार पत्नीला त्रास देत होता. रविवारी तो दारू पिऊन आल्यानंतर दोघांचा जोराचं भांडण झालं.

त्याच वादात किरपाने हिराला मारहाण केली. तेव्हा संतापलेल्या हिराने स्वंयपाक घरातला चाकू घेत किरपावर वार केले. हिराने किरपाच्या पोटात चाकू भोसकला. यात गंभीर जखमी झालेल्या किरपाचा जागीच मृत्यू झाला. Pune Crime

पोलिसांनी या प्रकरणी हिरा हिला अटक केलीय. सिंहगड पोलीस ठाण्यात या प्रकरणी गुन्हा दाखल झाला आहे. हिराला रात्री उशिरा अटक करण्यात आली आहे. या घटनेचा पुढील तपास पोलीस करीत आहेत.