Pune : पुणे पोलिसांचा मोठा निर्णय, दारू पिऊन गाडी चालवल्यास लायसन्स होणार रद्द…
Pune : पुण्यात वाढणाऱ्या ड्रिंक अँड ड्राईव्ह घटनांना आळा घालण्यासाठी पोलिसांकडून कठोर पावलं उचलायला सुरुवात झाली आहे. गेल्या काही दिवसांत पुण्यात ड्रंक अँड ड्राईव्हच्या विविध घटना घडल्याचं पहायला मिळत आहे. वाढत्या ड्रंक अँड ड्राईव्हच्या घटना टाळण्यासाठी कठोर कारवाईची मागणी होत होती.
त्याच दरम्यान आता पुणे पोलिसांनी एक मोठा निर्णय घेतला आहे. पुण्यात दारु पिऊन गाडी चालवणाऱ्यांचा थेट परवानाच रद्द करण्यात येणार आहे. पुणे पोलिसांनी लायसन्स रद्द करण्याचा निर्णय घेतला आहे.
पुण्यात ड्रंक अँड ड्राईव्हच्या घटना दिवसेंदिवस वाढताना दिसून येत आहेत. वाढत्या घटनांना आळा घालण्यासाठी पुणे पोलिसांनी हे महत्त्वाचं पाऊल उचललं आहे.
आतापर्यंत दारू पिऊन गाडी चालवणाऱ्यांवर खटले चालवून दंडात्मक कारवाई करण्यात येत होती. पण आता थेट लायसन्स रद्द करण्यात येणार आहे. Pune
पहिल्यांदा ड्रंक अँड ड्राईव्हमध्ये आढळून आल्यास संबंधित व्यक्तीचे ड्रायव्हिंग लायसन्स तीन महिन्यांसाठी रद्द करण्यात येणार आहे. पण याच व्यक्तीने पुन्हा असाच गुन्हा केला तर पुन्हा परवाना रद्द करण्यात येईल. मात्र, दुसऱ्यांदा सहा महिन्यांसाठी ड्रायव्हिंग लायसन्स रद्द करण्यात येणार आहे.
तसेच तिसऱ्यांदा पुन्हा ड्रंक अँड ड्राईव्ह केसमध्ये आढळून आल्यास ड्रायव्हिंग लायसन्स कायमस्वरुपी रद्द केले जाणार आहे. या संदर्भातील माहिती पुणे पोलीस उपायुक्त रोहिदास पवार यांनी दिली आहे.
