पंतप्रधान मोदी जगातील सर्वात लोकप्रिय नेते; ट्रम्प आणि मेलोनी यांना मागे टाकले
नवी दिल्ली : जगातील नेत्यांच्या लोकप्रियतेशी संबंधित एक बातमी समोर आली आहे. पंतप्रधान नरेंद्र मोदी हे पुन्हा एकदा सर्वाधिक लोकप्रियता असलेले नेते ठरले आहेत. मॉर्निंग कन्सल्ट कंपनीच्या जुलै 2025 च्या नवीनतम सर्वेक्षणानुसार, मोदी पुन्हा एकदा जगातील सर्वात लोकप्रिय नेते ठरले आहेत. या सर्वेक्षणानुसार, पंतप्रधान मोदींना 75 टक्के लोकांची मान्यता मिळाली आहे, ज्यामध्ये ते जगातील सर्वाधिक लोकप्रिय नेते म्हणून पुढे आले आहेत.
सर्वेक्षणाच्या अहवालानुसार, हे सर्वेक्षण 4 जुलै ते 10 जुलै दरम्यान करण्यात आले होते आणि 20 हून अधिक देशांच्या नेत्यांचे रेटिंग त्यात समाविष्ट होते. अहवालानुसार, पंतप्रधान मोदींच्या लोकप्रियतेला सर्वोच्च स्थान प्राप्त झाले आहे.
लोकप्रियतेच्या यादीत पंतप्रधान मोदींनी घेतली आघाडी
भारतीय जनता पक्षाचे आयटी सेल प्रमुख अमित मालवीय यांनी सोशल मीडिया प्लॅटफॉर्म एक्सवर या अहवालाचा डेटा शेअर करत पंतप्रधान मोदींच्या प्रमुखतेला दुजोरा दिला आहे. मॉर्निंग कन्सल्टच्या सर्वेक्षणानुसार, पंतप्रधान मोदींना सर्वाधिक 75 टक्के लोकांची मान्यता मिळाली आहे.
दक्षिण कोरिया आणि अर्जेंटिनाचे अध्यक्ष त्यांच्यानंतर सर्वेक्षणानुसार, दक्षिण कोरियाचे राष्ट्राध्यक्ष ली-जे म्युंग दुसऱ्या स्थानावर असून, त्यांना 59 टक्के मान्यता मिळाली आहे. अर्जेंटिनाचे अध्यक्ष जेवियर मिले तिसऱ्या स्थानावर आहेत, ज्यांना 57 टक्के मान्यता मिळाली आहे.
अमेरिकेचे अध्यक्ष ट्रम्प यांचे स्थान
अमेरिकेचे माजी अध्यक्ष डोनाल्ड ट्रम्प यांना 44 टक्के लोकांचा पाठिंबा मिळाला आहे. याचा अर्थ, 50 टक्क्यांहून अधिक लोकांनी ट्रम्प यांच्या नेतृत्त्वाचा विरोध केला आहे. यासोबतच, फ्रान्सचे अध्यक्ष इमॅन्युएल मॅक्रॉन सर्वात कमी लोकप्रिय नेत्यांमध्ये आहेत, ज्यांना फक्त 18 टक्के लोकांचा पाठिंबा मिळाला आहे.
इतर नेत्यांची लोकप्रियता
1) इटलीच्या पंतप्रधान जॉर्जिया मेलोनी यांना 40 टक्के मान्यता आहे.
2) जर्मनीचे पंतप्रधान फ्रेडरिक मर्झ यांना 34 टक्के मान्यता आहे.
3) तुर्कीचे राष्ट्राध्यक्ष रेसेप तय्यिप एर्दोगन यांना 33 टक्के मान्यता आहे.
4) ब्राझीलचे अध्यक्ष लुला दा सिल्वा यांना 32 टक्के लोकांचा पाठिंबा आहे.
अर्थात, मोदींच्या नेतृत्वाची जागतिक लोकप्रियता आणि प्रभाव याचा एक मोठा पुरावा म्हणून या सर्वेक्षणाचे आकडे समोर आले आहेत.
