…आता सोशल मीडिया संपला, मेटा सीईओ मार्क झुकेरबर्ग यांच्या विधानाने उडाली खळबळ
नवी दिल्ली : मार्क झुकेरबर्ग हे अमेरिकन उद्योजक मेटा कंपनीचे मुख्य कार्यकारी अधिकारी आहेत. कत्यांनी मेटा विरुद्ध सुरू असलेल्या अँटीट्रस्ट खटल्यात साक्ष देताना सोशल मीडिया संदर्भात धक्कादायक विधान केले आहे.
तसेच मार्क झुकेरबर्ग यांनी मेटा विरुद्ध अँटीट्रस्ट या खटल्यादरम्यान साक्ष देताना, ‘सोशल मीडियामध्ये पूर्वी सारखी ताकद राहिली नसल्याचे म्हटले आहे’. या संदर्भातील वृत्त ‘द न्यू यॉर्कर’ या साप्ताहिकात प्रसिद्ध झाले आहे.
सोशल नेटवर्क नेमकं काय करतं?
सोशल मीडिया ही एक अशी वेबसाईट आहे की, जी लोकांना ऑनलाईन एकमेकांशी जोडते? एक डिजिटल जागा जिथे आपण आपल्या मित्रांनी पोस्ट केलेली सामग्री पाहू शकतो? दोन हजारच्या दशकात, सोशल नेटवर्क्सचं हेच मुख्य स्वरूप होतं.
फेसबुकवर तुम्हाला कळू शकतं की, तुमचा एखादा मित्र नव्या कोणाशी डेटिंग करत आहे, किंवा कोणीतरी पार्टी केली आणि तुम्हाला निमंत्रण दिलं नाही. गेल्या दशकात, सोशल मीडियाचं स्वरूप पूर्णपणे बदलले आहे. आज सोशल मीडिया हे पारंपरिक माध्यमांसारखं वाटू लागलं आहे.
इथे आपल्याला सेलिब्रिटींनी तयार केलेली जाहिरातींची व्हिडिओज, बातम्यांवर प्रतिक्रिया देणारे तज्ञ, पॉप कल्चरमधले संकलित व्हिडिओ क्लिप्स, वाढती ए.आय.-जनरेटेड सामग्री आणि शक्य तितक्या मोठ्या प्रेक्षकांपर्यंत पोहोचवण्यासाठी तयार केलेली विविध प्रकारची सामग्री दिसते. आपण ज्या लोकांना फॉलो करतो आणि ते पोस्ट करणारी माहिती, ही आता डिजिटल गवताच्या रचनेसारखी वाटते.
दरम्यान, फेसबुकचे संस्थापक मार्क झुकेरबर्ग यांच्या तीन आठवडे चालेल्या साक्षीमध्ये, एकूण दहा तासांहून अधिक काळ साक्ष देताना, ‘सोशल मीडिया आता ‘सोशल’ राहिलेलं नाही’ असे कबूल केले आहे.
ही साक्ष फेडरल ट्रेड कमिशनने फेसबुकच्या मूळ कंपनी मेटाविरुद्ध सुरू केलेल्या अँटीट्रस्ट खटल्याच्या प्रारंभिक टप्प्यात घेण्यात आली होती. झुकेरबर्ग यांनी म्हटले होते की, “सध्या कंपनी “मनोरंजन, जगाबद्दल अधिक जाणून घेणे आणि घडणाऱ्या घटनांचा शोध घेणे” या सर्वसाधारण कल्पनेशी अधिक संबंधित झाली आहे. माणसांमध्ये थेट संवाद साधणे कमी झाले आहे, हे आमच्या कंपनीने स्वत: शोधले आहे.
