राष्ट्रवादीने एकनाथ खडसेंकडे दिली ‘ही’ मोठी जबाबदारी…!
मुंबई : राष्ट्रवादी काँग्रेसचे जेष्ठ नेते एकनाथ खडसे यांच्यावर आता पक्षाने मोठी जबाबदारी दिली आहे. खडसे यांच्या विधान परिषदेच्या गटनेतेपदावर शिक्कामोर्तब करण्यात आले आहे. तसेच विधान परिषदेतील राष्ट्रवादी काँग्रेसचे पक्ष प्रतोद म्हणून आमदार शशिकांत शिंदे यांची नियुक्ती करण्यात आली आहे.
जेष्ठ नेते एकनाथ खडसे यांच्याकडे अनेक वर्षाचा सभागृहातील कामकाजाचा अनुभव आहे. सत्ताधाऱ्यांना धारेवर धरण्याची धमक त्यांच्याकडे आहे. आमदार अनिकेत तटकरे यांच्याकडेही महत्वाची जबाबदारी देण्यात आल्याची माहिती समोर येत आहे.
त्यांची प्रतोदपदी नियुक्ती करण्यात आली आहे. खडसे राष्ट्रवादीत आल्यानंतर ते विधानपरिषदेवर आमदार झाले. त्यानंतर आता त्यांच्यावर राष्ट्रवादी मोठी जबाबदारी सोपवण्याच्या तयारीत आहे.
दरम्यान, राष्ट्रवादीकडून विधान परिषदेच्या उपसभापती निलम गोऱ्हे यांना याबाबतचे पत्रही देण्यात आले होते. आगामी निवडणुकीमध्ये याचा फायदा होईल असे पक्षाचे राजकीय गणित असल्याची चर्चा राजकीय वर्तुळात रंगली आहे.
