नागपुरातील ऍल्युमिनियम कंपनीत भीषण स्फोट! पाच ठार, घटनेने हाहाकार, अनेक कामगार जखमी…
नागपूर : नागपूर जिल्ह्यातील उमरेड येथील औद्योगिक वसाहतीत भीषण आग लागली. यामुळे एकच खळबळ उडाली. औद्योगिक वसाहतीमधील MMP इंडस्ट्रीज लिमिटेड या ॲल्युमिनियम फॉइल आणि पावडर निर्मिती करणाऱ्या कंपनीत भीषण स्फोट झाला. या स्फोटामुळे कंपनीत मोठ्या प्रमाणावर आग लागली असून चार कामगारांचा मृत्यू झाला आहे.
या घटनेत एक कामगार अद्याप बेपत्ता आहे. या दुर्घटनेत ११ कामगार गंभीर जखमी झाले असून, त्यांच्यावर रुग्णालयात उपचार सुरू आहेत. नागपुरातील स्फोटामुळे कंपनीच्या सुरक्षाव्यवस्थेवर प्रश्नचिन्ह निर्माण झाले आहे. परिसरात भीतीचे वातावरण पसरले आहे. कामगारांच्या मनात प्रचंड दहशत पसरली आहे. स्फोटाचे कारण अजून समोर आले नाही
घटनेनंतर अनेक कामगार पळून गेले. घटनेतील जखमींपैकी काही जणांची प्रकृती गंभीर आहे. स्फोट झाला त्यावेळी कंपनीत १५० कामगार कामावर होते. स्फोटानंतर सर्वांनी बाहेर धाव घेतल्यामुळे अनेकांचे जीव वाचले. अन्यथा मोठी दुर्घटना घडली असती. कंपनीतील हा स्फोट नेमका कशामुळे झाला याचे कारण अद्याप स्पष्ट झालेले नाही.
स्फोटानंतर निर्माण झालेले धुरांचे लोळ एक किलोमीटरपर्यंत दिसत होते. स्फोटामुळे येथे काम करत असलेल्या काही कामगारांचे कपडे अंगावरच जळाले. स्फोटानंतर कामगारांनी बाहेर धाव घेतली. आपला जीव मुठीत घेऊन ते बाहेर पळत सुटले. नागपुरातील उमरेड एमआयडीसीत एमएमपी इंडस्ट्रीज लिमिटेड कंपनीत अल्युमिनियम फॉईल आणि पावडर तयार केली जाते.
दरम्यान, या कंपनीत शुक्रवारी सायंकाळी नेहमीप्रमाणे काम सुरू होते. १५० कामगार काम करत होते. संध्याकाळी सहा वाजेच्या सुमारास जोरदार स्फोट झाला. या स्फोटानंतर भीषण आग लागली. याबाबत सध्या तपास सुरु असून घटनेची माहिती घेतली जात आहे.
