Maratha Reservation : मनोज जरांगे यांचा झंझावात पुन्हा सुरू, पुणे दौरा ठरला, जाणून घ्या वेळापत्रक…
Maratha Reservation : गेल्या काही दिवसांपासून मनोज जरांगे-पाटील यांचे मराठा आरक्षणासाठी आंदोलन सुरू आहे. संघर्ष योद्धा मनोज जरांगे-पाटील यांनी सरकारला (ता.२४) डिसेंबरपर्यंत वेळ दिला असून ते पुन्हा एकदा महाराष्ट्र दौरा करणार आहेत.
तिसऱ्या टप्प्यातील महाराष्ट्र दौऱ्यादरम्यान जरांगे पाटील, रविवारी (ता. १९) भोर तालुक्यातील मराठा समाजाची भेट घेणार असल्याची माहिती आहे. Maratha Reservation
तसेच जरांगे पाटील रायगड किल्ल्याचे दर्शन घेऊन वरंधघाट मार्गे भरला येणार असल्याची माहिती मिळत आहे. भोरमध्ये ४ वाजता सभा घेऊन जरांगे आळंदी येथे मुक्कामी जाणार आहेत.
भोर तालुक्यात मनोज जरांगे यांच्या सभेच्या नियोजनासाठी मराठा समन्वयकांच्या बैठका सुरू आहेत. मराठा समाजबांधव मोठ्या संख्येने सभेला उपस्थित रहावेत, यासाठी नियोजन सुरू आहे.
भोरमधील शेटे मैदानावर संध्याकाळी ४ वाजता जंगी सभा होणार आहे. मराठा समाजाकडून जरांगे यांच्या स्वागताची जोरदार तयारी सुरू आहे.मराठा आरक्षणासाठी सरकारने दिलेली मुदत जवळ येत असतानाच मनोज जरांगे पाटील यांनी झंझावती दौऱ्यांचे नियोजन केले आहे.
१५ ते २३ नोव्हेंबर दरम्यान होणाऱ्या या तिसऱ्या टप्प्यातील महाराष्ट्र दौऱ्यामध्ये जरांगे पाटील १९ नोव्हेंबरला भोर तालुक्यातील मराठा समाजाची भेट घेणार आहेत. सभेच्या नियोजनासाठी मराठा समन्वयकांकडून गावोगावी बैठका घेण्यात येत आहेत.
