Maharashtra Politics : देवेंद्र फडणवीस यांच्या टीममध्ये भाजपमधून कोण कोण होणार मंत्री? संभाव्य नावे आली समोर, राजकीय वर्तुळात उत्सुकता…
Maharashtra Politics : महाराष्ट्र विधानसभा निवडणुकीत महायुतीची सरशी झाली. विधानसभा निवडणुकीत तमाम राजकीय विश्लेषक आणि बहुतांश मतदानोत्तर चाचण्यांच्या अंदाजापेक्षाही उत्तम कामगिरी करत महायुतीने जोरदार मुसंडी मारली.
महायुतीच्या तिन्ही घटक पक्षांना मिळून २३४ जागा मिळाल्या असून, यामध्ये भाजपला १३२ जागा मिळाल्या आहेत, त्यामुळे भाजप हा सर्वात मोठा पक्ष ठरला आहे. महायुती सरकार लवकरच स्थापन होणार आहे.
आता काळजीवाहू मुख्यमंत्री एकनाथ शिंदे यांनी पत्रकार परिषद घेऊन मुख्यमंत्रिपदाबद्दल पंतप्रधान नरेंद्र मोदी आणि केंद्रीय गृहमंत्री अमित शाह यांच्या कोर्टात चेंडू टोलावला आहे.
एकनाथ शिंदे यांनी भूमिका जाहीर केल्यानंतर देवेंद्र फडणवीस यांचा मार्ग मोकळा झाला अशी चर्चा रंगली आहे. अशातच फडणवीस मुख्यमंत्री झाले तर त्यांच्या टीममध्ये कोण कोण असणार याची संभाव्य यादी समोर आली आहे.
दरम्यान, मुख्यमंत्रिपदावर देवेंद्र फडणवीसांच्याच नावावर शिक्कामोर्तब जवळपास झालं आहे. मुख्यमंत्री आणि गृहमंत्री ही दोन्ही पदं देवेंद्र फडणवीस यांच्याकडेच कायम राहणार आहे. देवाभाऊंच्या मंत्रिमंडळात भाजपची नावं महत्वाची असणार आहे.
भाजप महायुतीच्या संभाव्य मंत्रिमंडळात ह्या नेत्यांना मिळणार संधी….
गिरीश महाजन, राधाकृष्ण विखे पाटील, आशिष शेलार, रवींद्र चव्हाण, पंकजा मुंडे, अतुल सावे, संजय कुटे, नितेश राणे, गोपीचंद पडळकर.
