Maharashtra Politics : राज्यात भाजपला मोठा धक्का! माजी खासदार काँग्रेसमध्ये, राजकीय समीकरण बदलणार…

Maharashtra Politics : महाराष्ट्रासह चार राज्यांमध्ये होणाऱ्या विधानसभा निवडणुकांच्या तारखा आज निवडणूक आयोग जाहीर करणार आहे. यामुळे खऱ्या आर्थाने आज विधानसभा निवडणुकीचा बिगुल वाजणार आहे.

या तारखांच्या घोषणेची प्रतीक्षा सर्व राजकीय पक्षांकडून उत्सुकतेने केली जात आहे. अशातच आता विधानसभा निवडणुकीपूर्वी मोठी बातमी समोर येत आहे. भंडाऱ्यामध्ये काँग्रेसनं भाजपला मोठा धक्का दिला आहे.

भाजपचे माजी खासदार शिशुपाल पटले हे आज काँग्रेसमध्ये प्रवेश करणार आहेत. मुंबईत काँग्रेसचे प्रदेशाध्यक्ष नाना पटोले यांच्या हस्ते ते आज काँग्रेसमध्ये प्रवेश करणार आहेत. हा भाजपसाठी मोठा धक्का मानला जात आहे.

भाजपाचे माजी खासदार शिशुपाल पटले यांचा आज काँग्रेसमध्ये अधिकृतरित्या प्रवेश होणार आहे. ते आज मुंबईमध्ये नाना पटोले यांच्या हस्ते पक्ष प्रवेश करणार आहेत. शिशुपाल पटले हे २००४ मध्ये भाजपाकडून निवडूण आले होते. त्यांनी प्रफुल्ल पटेल यांचा पराभव केला होता. Maharashtra Politics

खासदारकीनंतर ते भाजपाच्या अनेक मोठ्या पदावर कार्यरत होते. पण शेतकऱ्यांच्या प्रश्नावर केंद्र व राज्य सरकार आपले म्हणणे ऐकत नाही म्हणून त्यांनी भाजपला रामराम केला आहे.

शिशुपाल पटले यांच्यामुळे पोवार समाजातील नेतृत्व भाजपाने गमावले असल्याची चर्चा आहे. त्यामुळे आता येणाऱ्या विधानसभा निवडणुकीत काँग्रेस तुमसर विधानसभेतून शिशुपाल पटले यांना मैदानात उतरवणार का हे पाहाण महत्त्वाचं ठरणार आहे?, याकडे सर्वांचे लक्ष लागले आहे.