महाराष्ट्र हादरला! दारू पिऊन पित्याकडून पोटच्या मुलीवर अत्याचार, संताप आणणारी माहिती आली समोर…
छत्रपती संभाजीनगर : जन्मदात्या पित्यानेच पोटच्या मुलीवर दारूच्या नशेत अत्याचार केल्याची घटना घडली आहे. बचत गटाचा हप्ता भरून माघारी आल्यावर मुलगा घाबरलेल्या अवस्थेत दिसली. त्यानंतर विश्वासात घेतल्यावर तिने घडलेला सर्वप्रकार सांगितला.
२९ वर्षीय महिलेने दिलेल्या फिर्यादीनुसार, छत्रपती संभाजी नगर जिल्ह्यातील सिल्लोड तालुक्यातील एका खेड्या गावातील हे कुटुंब गेल्या काही दिवसांपासून शहरातील बजाज नगर भागात पती, दोन मुले व ११ वर्षाच्या मुलीसह वास्तव्यास आहे. महिला एका खाजगी कंपनीत काम करते. नराधम पती देखील खाजगी कंपनीत काम करतो.
मिळालेल्या माहिती नुसार, पीडित मुलगी ही पाचव्या वर्गामध्ये शिकते. दरम्यान बुधवार दिनांक२० ऑगस्ट रोजी सकाळी नऊ वाजेच्या सुमारास फिर्यादी महिला बचत गटाचा हप्ता भरण्यासाठी इंटरनेट कॅफेवर गेली. काही वेळाने महिला माघारी परतल्यानंतर मुलगी घाबरलेल्या अवस्थेत गॅलरीत बसली होती.
आईने मुलीला विश्वासात घेऊन विचारले असता पप्पांनी माझे कपडे काढून… संपूर्ण आपबीती सांगितली. मुलीच्या आईने पतीला याबाबत विचारले असता मी दारू पिलेले होतो. मला वाटलं तूच आहेस. मला काहीच कळाले नाही अशी उत्तरे देऊ लागला. हा संपूर्ण प्रकार महिलेने पतीच्या नातेवाईकांना सांगितल्यानंतर आम्हाला तू सांगू नको तुमचं तू बघून घे असं म्हणत बोलणं बंद केलं.
महिलेने हा संपूर्ण प्रकार स्वतःच्या आई व बहिणीला सांगितला. आई घरी आल्यानंतर मुलीवर घाणेरडा स्पर्श करणारे पतीचे हात झाऱ्याने झोडपले. यात नराधमाच्या हाताला गंभीर जखमा झाले आहे. या प्रकरणी वाळूज एमआयडीसी पोलीस ठाण्यामध्ये गुन्हा दाखल करण्यात आला असून पुढील तपास पोलीस करीत आहेत.
