पोलिस उपनिरीक्षकाचा वाळू उपसा करणाऱ्या ट्रॅक्टरने चिरडून खून ! मध्य प्रदेश घडलेल्या घटनेने हादरले…. !!

Madhya Pradesh : शनिवारी एका सहाय्यक उपनिरीक्षकाचा संशयित वाळू माफियांशी संबंधित ट्रॅक्टरने चिरडून खून केल्याची धक्कादायक घटना घडली आहे. आयएएनएसच्या वृत्तानुसार, एएसआय इतर दोघांच्या मदतीने एका गुन्हेगाराला पकडण्यासाठी थांबले होते तेव्हा अवैधरित्या वाळूने भरलेल्या ट्रॅक्टरने त्यांना चिरडले आणि त्यांचा मृत्यू झाला. मध्य प्रदेशातील शहडोल जिल्ह्यात ही घटना घडली आहे.

 

 

 

इतर दोन पोलिसांनी जीव वाचवण्यासाठी धाव घेत वरिष्ठ अधिकाऱ्यांना माहिती दिली. महेंद्र बागरी असे मृताचे नाव आहे. पोलिसांनी लवकरच ट्रॅक्टर चालवणाऱ्या व्यक्तीसह तीन आरोपींना अटक केली. पोलिसांनी रविवारी वृत्तसंस्थेला सांगितले की, अवैध खाणकामात सहभागी असलेला मुख्य आरोपी अद्याप फरार आहे.

 

 

ट्रॅक्टर मालकाच्या मुलाचाही अवैध उत्खननात सहभाग असल्याचे ट्रॅक्टर चालकाने सांगितले. “त्यालाही अटक करण्यात आली असल्याची माहिती पोलिसांनी दिली आहे. आयपीसी कलम 302/34, 414, 379 आणि खाणकामाच्या विविध कायद्यांतर्गत एफआयआर नोंदवण्यात आला आहे.