Loksabha Election 2024 : नरेंद्र मोदींना लोकसभा निवडणुकीपूर्वी सर्वात मोठा धक्का! केंद्रीय मंत्र्यांचा अचानक राजीनामा…
Loksabha Election 2024 : लोकसभा निवडणुकीच्या तारखांची घोषणा निवडणूक आयोगाणे जाहीर केली आहे. लोकसभा निवडणुका होणार आहे. याकडे संपूर्ण देशाचे लक्ष लागले होते. देशात लोकसभेच्या निवडणुका सात टप्प्यात पार पडणार आहेत.
अशातच लोकसभा निवडणुकीपूर्वी मोदी सरकारला सर्वात मोठा धक्का बसला आहे. केंद्रीय मंत्री पशुपती कुमार पारस यांनी मंगळवारी केंद्र सरकारचा राजीनामा दिला आहे. बिहारमधील जागावाटप चर्चेत त्यांचा समावेश न केल्याने भाजप त्यांच्या राष्ट्रीय लोक जनशक्ती पक्षाच्या (आरएलजेपी) बाजूने नसल्याचा आरोप केला आहे.
राष्ट्रीय लोक जनशक्ती पक्षाचे अध्यक्ष पशुपती कुमार पारस म्हणाले, ५-६ दिवसांपूर्वी मी पत्रकार परिषदेत एनडीएने जागा जाहीर करेपर्यंत वाट पाहीन असे सांगितले होते. मी अत्यंत प्रामाणिकपणे एनडीएची सेवा केली.
पंतप्रधान नरेंद्र मोदी हे देशाचे मोठे नेते आहेत, पण आमच्या पक्षावर आणि वैयक्तिकरित्या आमच्यावर अन्याय झाला. त्यामुळे मी केंद्रीय मंत्रीपदाचा राजीनामा देत आहे. असे ते म्हणाले आहेत. Loksabha Election 2024
दरम्यान, सोमवारी एनडीएने बिहारमधील लोकसभेच्या ४० जागांसाठी पत्रक वाटपाची घोषणा केली. भाजप, जेडीयू, एलजेपी (रामविलास), राष्ट्रीय लोक मोर्चा आणि एचएएममध्ये जागा विभागल्या गेल्या.
त्याचबरोबर पशुपती कुमार पारस यांचा पक्ष राष्ट्रीय लोजपला या प्रभागात एकही जागा मिळालेली नाही. महायुतीत त्यांच्या पक्षाकडे पूर्णपणे दुर्लक्ष झाले आहे. त्यामुळे त्यांनी राजीनामा दिला आहे.
