Ladki Bahin Yojana 2024 : निवडणूक संपताच लाडक्या बहिणींचे नियम अटी बदलणार, २१०० रुपयेही मिळणार नाहीत, जाणून घ्या…

Ladki Bahin Yojana 2024 : राज्यात भाजप-महायुतीच्या अभूतपूर्व विजयात ‘लाडकी बहीण’ योजनेचा महत्त्वाचा वाटा असल्याने महायुतीचे नवे सरकार ही योजना पुढे चालू ठेवणार आहे. मात्र, त्यातील एक-दोन निकष बदलले जाण्याची शक्यता आहे.

या योजनेतून दरमहा २,१०० रुपये देण्याची ग्वाही महायुतीने प्रचारादरम्यान केली होती. मात्र, तूर्तास १,५०० रुपये देण्याचा निर्णय होऊ शकतो. शिवाय, कुटुंबातील दोनच महिलांना या योजनेचा लाभ देण्याचा विचार सुरू झाला आहे. या योजनेतून विधानसभा निवडणुकीपूर्वी राज्यातील २ कोटींपेक्षा जास्त महिलांच्या बँक खात्यात पाच महिन्यांची रक्कम सरकारने जमा केली आहे.

परिणामी, या निवडणुकीत राज्यातील महिलांची मतांची टक्केवारी वाढली आणि महायुतीच्या बाजूने जोरदार मतदान झाले. महायुतीची सत्ता पुन्हा आल्यास ही योजना बंद केली जाईल, असा प्रचार महाविकास आघाडीकडून निवडणुकीत करण्यात आला. मात्र, महायुती सरकार ही योजना सुरूच ठेवणार असून, या योजनेत थोडेफार बदल केले जाण्याची शक्यता आहे. Ladki Bahin Yojana 2024

लाडकी बहीण’ योजना सुरू राहणार असल्याने राज्यातील महिलांसाठी आनंदाची बाब आहे. मात्र, योजनेच्या निकषांमध्ये बदल होणार असल्याने काही महिलांची चिंता वाढू शकते. राज्याची आर्थिक परिस्थिती सुधारण्यासाठी शिस्त लावण्याच्या धोरणांतर्गत या योजनेत बदल केले जाणार आहेत, असे सूत्रांनी सांगितले.

दरम्यान, ‘लाडकी बहीण’ योजना महाराष्ट्र सरकारने २८ जून २०२४ रोजी घोषित केली आहे. १ जुलैपासून योजनेसाठी अर्ज मागवण्यात आले होते. १८ ते ६० वर्षे वयोगटातील महिला या योजनेचा लाभ घेऊ शकतात. त्यासाठी कौटुंबिक वार्षिक उत्पन्न अडीच लाखांपेक्षा कमी असणे आवश्यक आहे. तसेच कुटुंबातील कोणताही सदस्य सरकारी कर्मचारी किंवा आयकरदाता नसावा, असे सध्याचे या योजनेचे निकष आहेत.