राजगडावर मधमाशांचा भयानक हल्ला ; घाबरलेली तरुणी थेट 40 फूट खोल दरीत…..

पुणे : पुणे जिल्ह्यातील ऐतिहासिक आणि पर्यटनदृष्ट्या महत्त्वपूर्ण राजगड किल्ल्यावर मोठ्या संख्येने पर्यटक येत असतात.मात्र याच राजगडावर एक भयंकर घटना घडली आहे. राजगड किल्ल्यावर फिरण्यासाठी गेलेल्या पर्यटकांवर, अचानक मधमाश्यांनी हल्ला केला. मधमाशांच्या हल्ल्यापासून बचावाचा प्रयत्न करत असताना एक तरुणी थेट 40 फूट खोल दरीत कोसळल्याची धक्कादायक घटना घडली.

समोर आलेल्या माहितीनुसार, किल्ल्यावरील संजीवनी माची परिसरात भ्रमंतीसाठी आलेल्या अंजली पाटील (वय 24 वर्षे) या युवतीवर अचानक मधमाश्यांचा हल्ला झाला. घाबरल्यामुळे त्यापासून बचावाच्या प्रयत्नात असताना संतुलन गमावून अंजली ही सुमारे 40 फूट खोल दरीत ती कोसळली.यामुळे तिच्या मणक्यामध्ये (पाठीच्या कण्यामध्ये) फ्रॅक्चर झाल्यामुळे तिला स्वतःला बिलकूल हालचाल करता येत नव्हती. अखेर तिला वाचवण्यासाठी वेल्हे पोलीस स्टेशनमार्फत वेल्हा-हवेली आपत्ती व्यवस्थापन रेस्क्यू टीम पर्यंत पोहोचवण्यात आली.या घटनेची माहिती मिळताच रेस्क्यू टीमने तत्काळ बचाव मोहिम सुरू केली. रात्रीच्या काळोखात, निसरडा उतार आणि अडचणीच्या पायवाटींवरून हे रेस्क्यू करण्यात आलं. अखेर तिला सुखरूप वाचवण्यात आलं.

अखेर 8-9 तासांच्या अथक प्रयत्नांनंतर अंजली पाटील हिला स्ट्रेचरच्या साहाय्याने सुरक्षितरीत्या किल्ल्याच्या पायथ्याशी आणण्यात यश मिळाले. त्यानंतर तिला वेल्हे प्राथमिक आरोग्य केंद्रात उपचार दिले गेले. पुढील उपचारासाठी तिला पुणे येथील रुग्णालयात हलवण्यात आले. सुदैवाने आता तिची प्रकृती स्थिर आहे..