Harshvardhan Patil : मोठी बातमी! राज्यसभा तिकीट नाकारल्यानंतर भाजप नेते हर्षवर्धन पाटील यांच्यावर मोठी जबाबदारी, दिलं मोठं पद…
Harshvardhan Patil : काही वर्षांपूर्वी भाजपमध्ये गेलेले हर्षवर्धन पाटील यांची आता केंद्रीय पातळीवर दखल घेतली आहे. राष्ट्रीय सहकार साखर संघाच्या अध्यक्षपदी हर्षवर्धन पाटील यांची बिनविरोध निवड करण्यात आली आहे. यामुळे भाजपने त्यांना मोठे पद दिल्याचे दिसून येत आहे.
सध्या राज्यसभेच्या निवडणुकीसाठी हर्षवर्धन पाटील यांनी तिकीट मिळण्याची शक्यता वर्तवली जात होती. मात्र, त्यांना तिकीट नाकारल्यानंतर भाजपकडून त्यांचं पुनर्वसन करण्यात आलं आहे. यामुळे आता केंद्रात त्यांच्यावर मोठी जबाबदारी देण्यात आली आहे.
दरम्यान, गुजरातचे केतन भाई पटेल यांची राष्ट्रीय सहकार साखर संघाच्या उपाध्यक्षपदी बिनविरोध निवड करण्यात आली आहे. ५० वर्षाच्या इतिहासात प्रथमच साखर संघावर भाजपचे वर्चस्व पाहायला मिळत आहे. याआधी याठिकाणी भाजपचे कुठेही वर्चस्व नव्हते.
सध्या भाजपने हर्षवर्धन पाटील यांचे राजकीय पुनर्वसन केल्याचं पाहायला मिळत आहे. ऊसाच्या क्षेत्रात महाराष्ट्राचं मोठं वर्चस्व आहे. त्यामुळं महाराष्ट्राला राष्ट्रीय सहकार साखर संघाच्या अध्यक्षपदाची संधी देण्यात आली आहे.
नवी दिल्ली येथे देशातील सहकारी साखर कारखान्यांची राष्ट्रीय पातळीवरील काम करणारी राष्ट्रीय सहकारी साखर कारखाना संघ ही महत्त्वाची प्रमुख संस्था आहे. देशातील साखर उद्योगाला मार्गदर्शन करणे, तसेच साखर उद्योगांपुढील अडचणी केंद्र सरकारकडून सोडवून घेण्याचे काम राष्ट्रीय साखर कारखाना संघाच्या माध्यमातून करण्यात येते.
