विद्यार्थ्यांसाठी मोठी बातमी! अकरावी ऑनलाईन प्रवेशाची वेबसाईट सुरू

पुणे : सध्या अकरावी प्रवेशाची तयारी विद्यार्थी करत आहेत. कोणाला कोणत्या महाविद्यालयात प्रवेश घेयचा आहे, यासाठी सर्वजण प्रयत्नशील आहेत. आता अकरावी ऑनलाईन प्रवेशाची वेबसाईट सुरू झाली आहे.

यामध्ये आता मुंबई एमएमआर क्षेत्रात असलेल्या दहावीची परीक्षा दिलेल्या विद्यार्थ्यांना 24 मेपर्यंत अकरावी प्रवेशाचा अर्ज भरता येणार आहे आणि सरावही करता येणार आहे.

शनिवारपासून विद्यार्थ्यांना अकरावी प्रवेशाचा अर्ज कसा भरायचा यासाठी सराव सुरू करण्यात आला. पहिल्याच दिवशी दिवसभर वेबसाईट सुरू झालेली नसल्यामुळे अनेकांनी नाराजी व्यक्त केली.

सकाळपासून साईड अंडर मेंटेनन्स असा मेसेज होता. अनेकांनी तक्रारी केल्यानंतर शनिवारी रात्री उशिरा वेबसाईट सुरू झाली. काल रविवारी दिवसभरात 6 हजार 662 विद्यार्थ्यांनी सराव नोंदणी केली.

दरम्यान, विद्यार्थ्यांना सराव 24 मेपर्यंत करता येणार आहे. याच कालावधीत महाविद्यालयांना आपल्या लॉगीनमध्ये जागा व तुकडय़ासंदर्भातील नोंदणी करणार असल्याचे म्हटले आहे.

https://mumbai. 11thadmission.org.in/ ही वेबसाईट आहे. ऑगस्टअखेरीस प्रवेश पूर्ण करण्याचे नियोजन शालेय शिक्षण विभागाचे आहे. यासाठी विद्यार्थ्यांनी तयार असणे आवश्यक आहे.