Farmer Protest : लाल मिरचीचे दर अचानक कोसळले, शेतकरी संतापले, बाजार कार्यालयात तोडफोड, गाड्याही पेटवल्या…

Farmer Protest : लाल मिरचीच्या घसरलेल्या किमतीमुळे संतप्त झालेल्या राज्याच्या ब्याडगी मिरची बाजारातील शेतकऱ्यांच्या गटाने सोमवारी सायंकाळी दगडफेक केली, एपीएमसी कार्यालयाची तोडफोड केली आणि अनेक वाहनांची जाळपोळ केली.

मध्य कर्नाटकातील हावेरी जिल्ह्यातील ब्याडगी मिरची बाजारपेठ तेथे पिकवल्या जाणाऱ्या सुक्या मिरचीसाठी प्रसिद्ध आहे. जिओग्राफिकल इंडिकेशन लेबल मिळालेल्या ब्याडगी मिरची त्यांच्या कमी तिखटपणा आणि उच्च रंग सामग्रीसाठी ओळखल्या जातात.

हावेरी येथील ब्याडगी एमपीएमसीमध्ये शेतकऱ्यांनी गोंधळ घातला आहे. मिरचीचे भाव कोसळल्याने शेतकरी संतप्त झाले होते. याबाबत शेतकऱ्यांनी प्रथम आंदोलन सुरू केले आणि नंतर संताप व्यक्त केला. आंदोलकांनी एपीएमसीच्या तीन गाड्या जाळल्या. घटनास्थळी पोहोचलेल्या पोलिसांवरही दगडफेक केल्याची माहिती मिळाली आहे.

शेतकऱ्यांच्या हिंसक आंदोलनाचे आणि जाळपोळीचे अनेक व्हिडिओ व्हायरल होत आहेत. आंदोलक शेतकऱ्यांनी मार्केटमध्ये उभ्या असलेल्या वाहनांना कशाप्रकारे आग लावली हे दिसून येते. याशिवाय पोलिसांवर दगडफेकीचे व्हिडिओही समोर आले आहेत.

संतप्त शेतकऱ्यांनी मार्केटमधील कार्यालयातील संगणक फोडले. एपीएमसी कार्यालयाची तोडफोड करण्यात आली आहे. दगड खिडक्यांच्या काचेवर आदळल्याने मोठे नुकसान झाले आहे. Farmer Protest

शेतकऱ्यांनी एपीएमसी कार्यालयात घुसून तोडफोड केल्याचे सांगण्यात येत आहे. अनेक संगणक प्रणाली तुटल्या. दगडफेकीमुळे काही खिडक्यांच्या काचाही तुटल्या. स्थानिक पोलिसांनाही शेतकऱ्यांच्या रोषाला सामोरे जावे लागले.

काही ठिकाणी जमावाने त्यांना लक्ष्यही केले. या घटनेचा व्हिडिओही सोशल मीडियावर व्हायरल होत आहे. यामध्ये लोक संतप्त होऊन रस्त्यावर उतरून वाहने पेटवताना दिसत आहेत. संतप्त शेतकऱ्यांनी एपीएमसीच्या तीन गाड्या पेटवल्याचं सांगण्यात येत आहे.

शेतकऱ्यांची मागणी काय?

आंदोलनात शेतकऱ्यांनी पोलिस आणि प्रशासनाच्या विरोधात घोषणाबाजी केली. मिरचीच्या घसरलेल्या किमतींमुळे आंदोलक शेतकरी संतप्त झाले असून, जुन्या भावाने शेतमाल विकण्याची मागणी करत आहेत, असे ब्याडगी येथील काँग्रेस आमदार सांगतात.

गेल्या आठवड्यात १०० किलो मिरचीचा भाव २०-२५ हजार रुपये होता. आता ती किंमत १०-१५ हजार रुपये झाली आहे. याबाबत शेतकऱ्यांमध्ये संताप व्यक्त होत आहे. गेल्या आठवड्यात जो दर मिळत होता, त्याच दराने मिरचीची खरेदी पुन्हा करावी, अशी शेतकऱ्यांची मागणी आहे.