Daund : दौंडमध्ये विजयाचा जल्लोष करताना दुःखद घटना!! आमदार राहुल कुल यांच्या विजयाच्यावेळी जल्लोषात कार्यकर्त्याचा ह्दयविकाराने मृत्यू…
Daund : राज्याच्या विधानसभा निवडणुकीचे निकाल जाहीर होत असताना महायुतीने सलग तिसऱ्यांदा सत्ता स्थापनेसाठी तयारी केली आहे. भाजप, शिवसेना आणि अजित पवार यांच्या राष्ट्रवादी काँग्रेसने केलेल्या मेहनतीनंतर महायुतीने स्पष्ट बहुमत मिळवले आहे.
तसेच दौंड विधानसभा मतदारसंघातील भाजपचे आमदार राहुल कुल यांची विजयी वाटचाल सुरू असताना या विजयाचा जल्लोष साजरा करताना दौंड तालुक्यातील गार येथील आमदार राहुल कुल यांच्या खंदे समर्थक कार्यकर्त्याचा हृदयविकाराच्या झटक्याने मृत्यू झाल्याची दुर्दैवी घटना घडली आहे.
अंकुश ऊर्फ बाळासाहेब रामराव भोसले ( वय ६२, रा. गार ता. दौंड जि. पुणे ) यांचा शनिवारी ( ता.२३) ह्रदयविकाराचा तीव्र झटक्याने मृत्यू झाल्याची घटना घडली. Daund
सविस्तर माहिती अशी की, विधानसभा मतदारसंघाचा मतमोजणी सुरू असताना भाजपचे उमेदवार राहुल कुल हे मतमोजणीत आघाडीवर होते. त्यामुळे तालुक्यातील कुल समर्थक हे दौंड शहरातील शासकीय गोदाम नगर मोरी याठिकाणी विजयाचा जल्लोष करण्यासाठी दाखल झाले होते.
यावेळी गार येथील अंकुश ऊर्फ बाळासाहेब भोसले हे आमदार कुल यांच्या विजयाचा जल्लोष करत असताना अचानक त्यांना हृदयविकाराचा झटका आला. त्यांना तातडीने दौंड येथील खाजगी रुग्णालय दाखल केले होते. मात्र त्यांचा मृत्यू झाला. या घटनेमुळे गार परिसरात शोककळा पसरली आहे.
