Crime News : होळकर वाडी येथे मित्राकडून तरुणीसोबत अश्लील कृत्य, फोटो व्हायरल करण्याची धमकी दिली अन्…, लोणी काळभोर पोलीस ठाण्यात गुन्हा
Crime News : पुणे : शहरात महिला अत्याचाराच्या घटनांमध्ये अलीकडे वाढ होताना दिसत आहेत. बलात्कार, विनयभंग, छेडछाड अशा दिवसाला एक ते दोन घटना दररोज घडत आहेत. सध्या अशीच एक धक्कादायक घटना समोर आली आहे.
तरुणीसोबत मैत्रीकरुन तिला फिरायला नेऊन तिच्यासोबत अश्लील कृत्य करुन फोटो व व्हिडिओ व्हायरल करण्याची धमकी दिली. मोबाईलमधील फोटो व व्हिडीओ डिलीट करण्यास सांगण्यासाठी गेलेल्या तरुणीच्या दोन भावांना सहा जणांनी काठीने व लाथा बुक्क्यांनी मारहाण करुन जखमी केले.
हा प्रकार फेब्रुवारी २०२० पासून सोमवार (ता.२९) दरम्यान हवेली तालुक्यातील होळकर वाडी येथे घडला आहे. याप्रकरणी सहा जणांवर गुन्हा दाखल करण्यात आला आहे.
याप्रकणी १९ वर्षीय तरुणीने मंगळवारी (ता.३०) लोणी काळभोर पोलीस ठाण्यात फिर्याद दिली आहे. त्यानुसार महेश सुनील खरात (वय.२४) मंगेश सुनील खरात (वय.२०), सुनील खरात (वय.५०), प्रशांत खरात (वय. २४) व दोन महिला (सर्व रा. होळकर वाडी, ता. हवेली) यांच्याविरुद्ध गुन्हा दाखल करण्यात आला आहे.
सविस्तर माहिती अशी की, आरोपी महेश खरात याने पीडित मुलगी अल्पवयीन असताना २०२० मध्ये मैत्री केली. मुलीला फिरण्यासाठी उरुळी देवाची येथील पिंजन वस्तीतील रानमळा येथे घेऊन गेला. त्याठिकाणी मुलीसोबत अश्लील चाळे करुन शारीरिक संबंध प्रस्थापित करण्याचा प्रयत्न केला. तसेच मुलीचा वारंवार पाठलाग करुन शरिरसुखाची मागणी केली. Crime News
आरोपीच्या या कृत्यामुळे तरुणीने त्याच्यासोबत बोलणे बंद केले. आरोपी महेश याने मुलीकडे शरीरसुखाची मागणी करुन संबंध प्रस्तापित केले नाही तर तिचे फोटो व्हिडीओ सोशल मीडियावर व्हायरल करण्याची धमकी दिली.
आरोपीच्या मोबाईलमध्ये असलेले मुलीचे फोटो डिलीट कर असे सांगण्यासाठी तिचे दोन भाऊ आरोपीच्या घरी गेले. त्यावेळी आरोपींनी मुलीच्या दोन्ही भावांना लाथाबुक्क्यांनी व काठीने मारहाण करुन अ‍ॅट्रॉसिटीचा गुन्हा दाखल करण्याची धमकी दिल्याचे फिर्यादीत नमुद केले आहे. पुढील तपास पोलीस उपनिरीक्षक बिराजदार करीत आहेत.
