Jalna News : क्रिकेट खेळताना मैदानावरच कोसळला! अटॅक येऊन जागीच मृत्यू, ३२ वर्षीय तरुणाचा दुर्दैवी शेवट..
जालना : जालना जिल्ह्यात क्रिकेट स्पर्धेदरम्यान ३२ वर्षीय युवकाला ह्रदयविकाराचा झटका आल्याने त्याचा जागीच मृत्यू झाल्याची दुर्घटना घडली. जालना शहरात आयोजित करण्यात आलेल्या क्रिकेट स्पर्धेमध्ये क्रिकेट खेळताना एका ३१ वर्षीय तरुणाचा हृदय विकाराच्या झटक्याने ग्राउंडवरच मृत्यू झाल्याची घटना घडली.
विजय पटेल असे मयत तरुणाचे नाव असून, आज सकाळी शहरातील ‘फ्रेजर बॉईज’ या मैदानावर ख्रिसमस निमित्त आयोजित करण्यात आलेल्या क्रिकेट स्पर्धेचे सामने सुरू होते.
या सामन्यांदरम्यान बॅटिंग करताना तरुणाला हृदयविकाराचा तीव्र झटका आला आणि तो जागेवरच कोसळला. त्यानंतर, मैदानावरील सहकारी मित्रांनी व खेळाडूंनी धावाधाव केली. तर, आयोजकांनी या तरुणाला दवाखान्यात नेले असता डॉक्टरांनी त्याला मृत घोषित केलं.
दरम्यान त्यामुळे, अचानक झालेल्या या दुर्घटनेनं सर्वांनाच आश्चर्याचा धक्का बसला आहे. विशेष म्हणजे मैदानावर सिक्सर मारल्यानंतर सहकारी मित्रासोबत तो चर्चा करत होता. मात्र, चर्चेनंतर तो खाली कोसळला आणि त्यातच त्याचा मृत्यू झाला आहे.
