मराठा समाजासाठी मोठी बातमी! कुणबी प्रमाणपत्रांच्या आधारे 2 कोटी मराठा समाजातील लोकांना ओबीसी कोट्यात आरक्षण मिळणार? अहवाल आला..

पुणे : गेल्या काही दिवसांपासून राज्यात मराठा आरक्षणाच्या आंदोलनाने वातावरण ढवळून निघाले आहे. याबाबत मनोज जरांगे यांनी आक्रमक भूमिका घेतली होती. यामध्ये कुणबी नोंद प्रमाणपत्राच्या आधारे ओबीसी समुदायातून आरक्षणाची मागणी करण्यात आली होती. आता या मागणीला यश मिळत असल्याचे दिसून येत आहे.

सरकारने शिंदे समिती नेमली होती. या समितीने आपला चौथा अहवाल सादर केला आहे. यामध्ये 58.82 लाख कुणबी नोंदी सापडल्याचे नमूद करण्यात आले आहे. या नोंदीच्या आधारे जवळपास 8.25 लाख कुणबी प्रमाणपत्रे जारी करण्यात आली आहेत. या प्रमाणपत्रांच्या आधारे सुमारे 2 कोटी मराठा समाजातील लोकांना ओबीसी कोट्यात आरक्षणाचा लाभ मिळू शकतो, असा अंदाज आहे.

यामुळे याकडे सर्वांचे लक्ष लागले आहे. त्यामुळे आता आरक्षणाच्या मुद्यावरून पुन्हा एकदा मनोज जरांगे आणि ओबीसी नेते आमनेसामने येण्याची शक्यता आहे. ओबीसी कार्यकर्ते लक्ष्मण हाके यांनी राज्य सरकारने हा अहवाल स्वीकारू नये, अशी मागणी केली आहे. तसेच छगन भुजबळ यांनी देखील या मुद्द्यावर न्यायालयाचा निर्णय अंतिम असल्याचे सांगितले.

काही लोकांनी प्रमाणपत्र देण्याविरोधात न्यायालयात याचिका दाखल केली असल्याचे भुजबळांनी सांगितले. यामुळे वातावरण तापले आहे. याबाबत जर 2 कोटी मराठा समाज ओबीसी कोट्यात आला, तर ओबीसी समुदायावर त्याचा विपरीत परिणाम होईल. इतक्या मोठ्या संख्येतील समावेशामुळे ओबीसी आरक्षणच संपुष्टात येईल.

त्यामुळे राज्य सरकारने हा अहवाल नाकारावा, अन्यथा आम्हाला राज्यव्यापी आंदोलन करावे लागेल, असे लक्ष्मण हाके यांनी म्हटले आहे. यामुळे याकडे सर्वांचे लक्ष लागले आहे. यामुळे येणाऱ्या काळात नेमकं काय होणार हे लवकरच समजेल. याबाबत मनोज जरांगे गेल्या अनेक दिवसांपासून राज्य सरकारकडे पाठपुरावा करत आहेत.