Beed Accident : राज्यात अपघातांचे सत्र सुरूच, आता कंटेनर पीकअपच्या भीषण अपघातात ५ जणांचा जागीच मृत्यू…

Beed Accident : राज्यात सध्या अपघातांच्या घटनेत वाढ होताना दिसत आहे. सध्या अशीच एक घटना समोर आली आहे. बीडच्या मांजरसुंबा – पाटोदा महामार्गावर कंटेनर व पिकअपचा भीषण अपघात झाल्याची माहिती समोर आली आहे.

हा अपघात एवढा भीषण होता की या अपघातामध्ये ५ जण जागीच ठार झाले आहेत. या अपघातामुळे तेथील परिसरात एकच खळबळ उडाली आहे. अपघाताची माहिती तेथील स्थानिक नागरिकांना आणि पोलिसांना समजताच त्यांनी घटनास्थळ गाठले आणि बचावकार्यास सुरवात केली. Beed Accident

नितीन घरत, प्रल्हाद घरत, विनोद सानप असे पीकअप मधील अपघातात मृत्यू झालेल्या व्यक्तीचे नाव आहे.

कंटेनर लोखंडी पाईप घेऊन चालला होता मात्र अपघात झाल्याने कंटेनरमधील लोखंडी पाईप रस्त्यावर पसरले आणि मोठी वाहतुक खोळंबली होती. या नंतर पोलिसांनी वाहतूक सुरळीत केली.

या अपघातामधील जखमींना रुग्णालयामध्ये तातडीने दाखल करण्यात आले असून सध्या त्यांच्यावर रुग्णालयामध्ये उपचार सुरु आहेत. या अपघातामध्ये ५ जणांचा मृत्यू झाला असून कंटेनरमधील चालकासह अन्य १ जण ठार झाला आहे. यामुळे महाजनवाडीसह वाघीरा गावावर मोठी शोककळा पसरली आहे.