Beauty Tips : महिलांनो चेहऱ्यावरील सौंदर्य राखा फेसमास्कने, अशा प्रकारे तयार करा फेसमास्क, जाणून घ्या..

Beauty Tips उरुळीकांचन : सौंदर्य प्रसाधनात सर्वात जास्त वापरले जाणारे उत्पादन आहे फेशियल मास्क. ते रोमछिद्रे साफ करते व मृतत्वचा हटवते. त्वचा तुकतुकीत व उजळ बनवते. बहुतेक फेसमास्क फळांपासून व भाज्यांपासून तयार केलेले असतात.

फेसमास्क वापरताना आपला चेहरा स्वच्छ असावा. त्यावर कोणताही मेकअप नसावा. त्वचा रुक्ष असेल तर ओल्या कापडाने आपला चेहरा स्वच्छ पुसून घ्यावा. यामुळे रोमछिद्रे उघडतात व फेसमास्क जास्त प्रभाव टाकेल. पण जर त्वचा तेलकट असेल तर असे करू नये. कारण त्यामुळे मुरमे होऊ शकतात. फेसमास्क लावण्यापूर्वी केस व्यवस्थित मागे बांधून घ्यावेत. Beauty Tips

फेसमास्क तयार करण्याची व वापरण्याची पद्धत :

त्वचेवर उजाळा आणण्यासाठी मलईत थोडीशी हळद मिसळा व १५ ते ३० मिनिटे लावून ठेवा व नंतर कोमट पाण्याने धुवा. तेलकटपणा नाहीसा होईल. जर आपली रोमछिद्रे उघडी असतील तर क्लेमास्क ती मिटवील व त्वचेला टवटवी देईल. मुलतानी मातीत थोडीशी मलई मिसळा व त्वचेवर लावून बाळू द्या. नंतर पाण्याने चेहरा साफ करा. टोमॅटोही रोमछिद्रांसाठी उत्तम असते.

रूक्ष त्वचेसाठी फेसमास्क
■ एक चमचा मध व एक चमचा अंड्यातील पांढरा भाग मिसळून चेहऱ्यावर लावा व वाळल्यानंतर धुऊन टाका.
■ एक चमचा अंड्याचा पिवळा भाग घ्या. त्यात मध व ऑलिव्ह ऑइलचे काही थेंब मिसळा व चेहऱ्यावर लावा. जर आपली त्वचा जास्त रुक्ष असेल तर लिंबू व संत्रे वापरू नका.
■ एक चमचा मलईत थोडेसे बेसन, हळद व दूध टाकून पेस्ट बनवा. ती चेहऱ्यावर लावून सुकल्यानंतर धुवून टाका.

तेलकट त्वचेसाठी फेसमास्क…
■ काकडी किसून त्यात दही मिसळून पेस्ट बनवून घ्या व १५ मिनिटे चेहऱ्यावर लावा. नंतर पाण्यात गुलाबपाणी मिसळून लेप तयार करून चेहऱ्यावर लावा. मास्क सुकल्यानंतर कोमट पाण्याने साफ करून घ्या.
■ अंड्यातील पांढऱ्या भागाचा मास्क ही उघडी रोमछिद्रे बंद करतो. हादेखील तेलकट त्वचेसाठी लाभप्रद असतो.
■ काकडी किसून त्यामध्ये लिंबाचा वा संत्र्याचा रस मिसळून तो चेहऱ्यावर लावावा.

मिश्र त्वचेसाठी फेसमास्क
■ एक चमचा बेसनामध्ये चिमुटभर हळद, काही थेंब बदाम रोगन टाकून पेस्ट तयार करा व चेहऱ्यावर लावा. सुकल्यानंतर चेहरा थंड पाण्याने साफ करा.
■ एक चमचा बेसनात काही थेंब ग्लिसरिन व लिंबाचा रस मिसळून लावा व १०-१५ मिनिटांनंतर पाण्याने चेहरा साफ करून घ्या.
■ एक चमचा ओटमीलमध्ये एक चिमूट हळद, एक चमचा बेसन व ग्लिसरीन मिसळून चेहऱ्यावर लावा व १५ मिनिटांनंतर चेहरा धुवा.