Pune Crime : चालता चालता धक्का लागल्याने झाला वाद, सोडवायला गेलेल्या तरुणावर शस्त्राने वार..

Pune Crime पुणे : दहीहंडी बघून घरी जाताना धक्का लागल्याने तरुणावर प्राणघातक हल्ला केल्याची धक्कादायक घटना पुण्यात घडली (Pune Crime) आहे. या हल्ल्यात तरुण जखमी झाला आहे. ही घटना शहरातील आंबेगाव पठार येथील सिंहगड महाविद्यालयाच्या कॅम्पसजवळ घडली आहे.

ध्रुव विश्वास लंकेश्वर (वय १९, रा. धनकवडी) असे जखमी झालेल्या तरुणाचे नाव आहे. तसेच याप्रकरणी प्रवीण लोंढे या संशयिताविरुद्ध गुन्हा दाखल करण्यात आला आहे.

मिळालेल्या माहिती नुसार, ध्रुव हा मित्र सुजलसमवेत दहीहंडी बघून घरी निघाला होता. त्यावेळी सुजलचा एका तरुणाला धक्का लागला. याच रागातून तरुणाने सुजलवर हल्ला चढवला. हे भांडण सोडविण्यास गेलेल्या ध्रुववरही आरोपीने धारदार शस्त्राने वार केले.

या हल्ल्यात तरुण जखमी झाला आहे. या प्रकरणी भारती विद्यापीठ पोलिसांनी प्रवीण लोंढे या संशयिताविरुद्ध गुन्हा दाखल केला आहे. पोलीस याबाबतचा अधिक तपास करत आहेत.