Ajit Pawar : दोन दिवसांपासून अजित पवार दिल्लीत, अजूनही अमित शहांची भेट नाहीच, राजकीय घडामोडींना वेग…

Ajit Pawar : महाराष्ट्र विधानसभा निवडणुकीत महायुतीची सरशी झाली. विधानसभा निवडणुकीत तमाम राजकीय विश्लेषक आणि बहुतांश मतदानोत्तर चाचण्यांच्या अंदाजापेक्षाही उत्तम कामगिरी करत महायुतीने जोरदार मुसंडी मारली.

महायुतीच्या तिन्ही घटक पक्षांना मिळून २३४ जागा मिळाल्या असून, यामध्ये भाजपला १३२ जागा मिळाल्या आहेत, त्यामुळे भाजप हा सर्वात मोठा पक्ष ठरला आहे. भाजपकडून महायुती सरकारच्या शपथविधीची तारीख जाहीर करण्यात आली.

मात्र गृहखात्यावरून एकनाथ शिंदे आणि देवेंद्र फडणवीस यांच्यात चढाओढ सुरू आहे तर तिकडे आपल्या पदरात महत्त्वाची खाती पडावी म्हणून अजित पवार गेल्या दोन दिवसांपासून दिल्लीत ठाण मांडून आहेतमात्र अजूनही अजित पवार आणि अमित शाह यांची भेट झालेली नाही. Ajit Pawar

अर्थमंत्री राष्ट्रवादीकडेच राहावं, मंत्रिमंडळात ७ कॅबिनेट आणि २ राज्यमंत्रिपदासाठी अजित पवार आग्रही आहेत. तसेच केंद्रात एक कॅबिनेट आणि एका राज्यपाल पदाची देखील अजित पवारांची मागणी आहे.

आता या पैकी किती मागण्या पूर्ण होतात आणि त्यासाठीच्या चर्चेकरीता अजित पवार आणि अमित शाहांची भेट आजतरी होणार का हे पाहणं महत्त्वाचं ठरणार आहे.