अजित पवारांच्या बंडखोरीनंतर साताऱ्यात शरद पवारांचे जंगी स्वागत, शपथविधीला हजर असलेले आमदारही उपस्थित…
सातारा : राष्ट्रवादी काँग्रेसचे अध्यक्ष शरद पवार यांचे सातारा जिल्ह्याच्या प्रवेशद्वारावर निरा नदीच्या तिरावर शिंदेवाडी (ता.खंडाळा ) येथे जंगी स्वागत करण्यात आले.
यावेळी शरद पवार, आमदार रोहित पवार व प्रतिभाताई पवार सोबत वाई खंडाळा – महाबळेश्वर चे आमदार मकरंद पाटील हे सुद्धा सोबत असल्याचे पाहुन अनेकांनी भुवया उंचावल्या.
शरद पवार यांचे पुष्पहार व प्रचंड घोषणाबाजी करून जिल्हाच्या प्रवेशव्दारावर स्वागत करण्यात आले . यावेळी जिल्हा परिषदेचे माजी अध्यक्ष उदय कबुले, मनोज पवार,राजेंद्र तांबे.
दरम्यान, डॉ . नितीन सावंत, सरपंच रविराज दुधगावकर , उपसरपंच ताहेर काझी , हणमंतराव सांळुखे, अजय भोसले , आदेश भापकर,अमीर काझी सह कार्यकर्ते उपस्थित होते . यानंतर खंडाळा येथेही शरद पवार यांचे विजयराजे धमाळ व कार्यकर्त्यांनी पुष्पहार अर्पण करून जंगी स्वागत केले.
तसेच यावेळी, अजित पवार यांच्या राजकीय बंडा वेळी मकरंद पाटील यांचे नाव असल्याचे सांगण्यात आल्याने आज आमदार मकरंद पाटील हे शरद पवार सोबत पाहून अनेकांनी आश्चर्य व्यक्त केले.
