Accident : जम्मू-पूंछ महामार्गावर प्रवासी बस दरीत कोसळली, २१ ठार, ४० जखमी..

Accident : जम्मू-काश्मीरच्या राजौरी जिल्ह्यातील जम्मू-पूंछ महामार्गावर अखनूर येथे प्रवासी बस दरीत कोसळून भीषण अपघात झाला. गुरुवारी (ता.३०) घडलेल्या या दुर्घटनेत २१ प्रवाशांचा मृत्यू झाले असून ५० हून अधिक जण जखमी झाल्याची माहिती आहे.

चालकाचे बसवरील नियंत्रण सुटल्याने हा अपघात घडल्याचे सांगण्यात येत आहे. जम्मू जिल्हा दंडाधिकारी यांनी ट्विटरवर सांगितले की, ‘उत्तर प्रदेशातील हाथरस येथून प्रवाशांना घेऊन जाणाऱ्या बसला जम्मूच्या अखनूरमधील तांडाजवळ अपघात झाला.

बचाव कार्य सुरू आहे. ही बस यात्रेकरूंना घेऊन शिव खोरी येथे जात होती.चोकी चोरा परिसरातील वळणावर हा अपघात झाला आणि बस सुमारे १५० फूट खोल दरीत कोसळली.’अपघातानंतर घटनास्थळी एकच गोंधळ उडाला. लोक ओरडू लागले. घटनेची माहिती पोलिसांना देण्यात आली. Accident

माहिती मिळताच एनडीआरएफ आणि एसडीआरएफचे पथकही घटनास्थळी पोहोचले. पोलीस, स्थानिक नागरिक, एसडीआरएफ, एनडीआरएफ यांच्या मदतीने तातडीने बचावकार्य सुरू करण्यात आले आहे. जखमींना जम्मूच्या अखनूर हॉस्पिटल आणि सरकारी वैद्यकीय महाविद्यालय (जीएमसी) रुग्णालयात दाखल करण्यात आले आहे.