क्रिकेटप्रेमींनो सज्ज व्हा! आयपीएलच्या 20 सामन्यांचं वेळापत्रक जाहीर, ‘या’ तारखेपासून रंगणार थरार….

मुंबई : क्रिकेटप्रेमींसाठी मोठी आनंदाची बातमी समोर आली आहे. आयसीसी टी-20 वर्ल्डकप 2026 संपल्यानंतर आता जगातील सर्वात लोकप्रिय टी-20 लीग असलेल्या आयपीएलच्या 19 व्या मोसमाची चाहत्यांना उत्सुकता लागली होती.

अखेर या मोसमातील पहिल्या टप्प्याचं वेळापत्रक जाहीर करण्यात आलं असून 28 मार्चपासून आयपीएल 2026 चा थरार रंगणार आहे. पहिल्या टप्प्यात एकूण 20 सामने खेळवले जाणार असल्याची माहिती समोर आली आहे.

बीसीसीआयनं पहिल्या 16 दिवसांचं वेळापत्रक जाहीर केलं आहे, या 16 दिवसात 20 सामने होणार आहेत. आयपीएलचं उर्वरित वेळापत्रक पश्चिम बंगाल, तामिळनाडू आणि आसाम विधानसभा निवडणुकांच्या तारखांची घोषणा झाल्यानंतर जाहीर केलं जाईल.

आयपीएलच्या 19 व्या हंगामाची सुरुवात 28 मार्चपासून होणार आहे. आरसीबीचा पहिला सामना सनरायजर्स हैदराबाद विरोधात होणार आहे. हा सामना बंगळुरुच्या एम. चिन्नास्वामी स्टेडियममध्ये होणार आहे.

सर्वसाधारणपणे आयपीएलचा पहिला सामना गतवर्षी अंतिम फेरीचा सामना खेळणाऱ्या दोन संघांमध्ये होत असतो. यावेळी मात्र आयपीएलकडून यात बदल करण्यात आला आहे. आरसीबी विरुद्ध पंजाब किंग्ज सामन्याऐवजी आरसीबी विरुद्ध सनरायजर्स हैदराबाद यांच्यात लढत होणार आहे.

20 सामन्यांचं वेळापत्रक पुढील प्रमाणे…

1. रॉयल चॅलेंजर्स बंगळुरु विरुद्ध सनरायजर्स हैदराबाद, 28 मार्च, बंगळुरु (सायं.7.30 वाजता)
2. मुंबई इंडियन्स विरुद्ध कोलकाता नाईट रायडर्स, 29 मार्च, मुंबई (सायं.7.30 वाजता)
3. राजस्थान रॉयल्स विरुद्ध चेन्नई सुपर किंग्ज, 30 मार्च, गुवाहाटी (सायं.7.30 वाजता)
4. पंजाब किंग्ज विरुद्ध गुजरात टायटन्स, 31 मार्च, न्यू चंदीगड, (सायं.7.30 वाजता)
5. लखनौ सुपर जायंटस विरुद्ध दिल्ली कॅपिटल्स, 1 एप्रिल, लखनौ (सायं.7.30 वाजता)
6. कोलकाता नाईट रायडर्स विरुद्ध सनरायजर्स हैदराबाद,2 एप्रिल,कोलकाता (सायं.7.30 वाजता)
7. चेन्नई सुपर किंग्ज विरुद्ध पंजाब किंग्ज,3 एप्रिल, चेन्नई (सायं.7.30 वाजता)
8. दिल्ली कॅपिटल्स विरुद्ध मुंबई इंडियन्स, 4 एप्रिल, दिल्ली (दुपारी 3.30 वाजता)
9. गुजरात टायटन्स विरुद्ध राजस्थान रॉयल्स, 4 एप्रिल, अहमदाबाद (सायं.7.30 वाजता)
10. सनरायजर्स हैदराबाद विरुद्ध लखनौ सुपर जायंटस, 5 एप्रिल, हैदराबाद, (दुपारी 3.30 वाजता)
11. रॉयल चॅलेंजर्स बंगळुरु विरुद्ध चेन्नई सुपर किंग्ज, 5 एप्रिल, बंगळुरु (सायं.7.30 वाजता)
12. कोलकाता नाईट रायडर्स विरुद्ध पंजाब किंग्ज, 6 एप्रिल, कोलकाता (सायं.7.30 वाजता)
13. राजस्थान रॉयल्स विरुद्ध मुंबई इंडियन्स, 7 एप्रिल, गुवाहाटी (सायं.7.30 वाजता)
14. दिल्ली कॅपिटल्स विरुद्ध गुजरात टायटन्स, 8 एप्रिल, दिल्ली (सायं.7.30 वाजता)
15. कोलकाता नाईट रायडर्स विरुद्ध लखनौ सुपर जायंटस, 9 एप्रिल, कोलकाता (सायं.7.30 वाजता)
16. राजस्थान रॉयल्स विरुद्ध रॉयल चॅलेंजर्स बंगळुरु, 10 एप्रिल, गुवाहाटी (सायं.7.30 वाजता)
17. पंजाब किंग्ज विरुद्ध सनरायजर्स हैदराबाद, 11 एप्रिल, न्यू चंदीगड (दुपारी 3.30 वाजता)
18. चेन्नई सुपर किंग्ज विरुद्ध दिल्ली कॅपिटल्स, 11 एप्रिल, चेन्नई (सायं.7.30 वाजता)
19. लखनौ सुपर जायंटस विरुद्ध गुजरात टायटन्स, 12 एप्रिल, लखनौ (दुपारी 3.30 वाजता)
20. मुंबई इंडियन्स विरुद्ध रॉयल चॅलेंजर्स बंगळुरु, 12 एप्रिल, मुंबई (सायं.7.30 वाजता)