लोणी काळभोरच्या उपसरपंचपदी सुनील गायकवाड बिनविरोध…
लोणी काळभोर : हवेली तालुक्यातील मोठ्या ग्रामपंचायतीपैकी एक असलेल्या लोणी काळभोर ग्रामपंचायतीच्या उपसरपंचपदी सुनील बाबुराव गायकवाड यांची बिनविरोध निवड झाली आहे.
माजी उपसरपंच सविता नितीन जगताप यांनी आपल्या पदाचा राजीनामा दिल्याने उपसरपंच पद रिक्त झाले होते. या पदासाठी शुक्रवार (२६ डिसेंबर) रोजी लोणी काळभोर ग्रामपंचायत कार्यालयात निवडणूक प्रक्रिया पार पडली. निवडणूक निर्णय अधिकारी सरपंच नागेश काळभोर यांच्या मार्गदर्शनाखाली पार पडलेल्या या निवडणूक प्रक्रियेत विहीत वेळेत उपसरपंच पदासाठी सुनील गायकवाड यांचा एकमेव अर्ज आल्याने गायकवाड यांची बिनविरोध निवड झाल्याची घोषणा करण्यात आली.
निवड जाहीर होताच कृषी उत्पन्न बाजार समितीचे संचालक व पॅनल प्रमुख प्रशांत काळभोर, माजी सरपंच राजाराम काळभोर, महाराष्ट्र केसरी पै. राहुल काळभोर, आबासाहेब काळभोर, माऊली काळभोर, संजय गायकवाड, हेमंत गायकवाड, संतोष भोसले, राहुल काळभोर, गणेश कांबळे, राकेश लोंढे, उद्योजक रमजान तांबोळी व उपस्थित ग्रामस्थांनी त्यांचे अभिनंदन केले.
सुनील गायकवाड (नवनिर्वाचित उपसरपंच) – जेष्ठांच्या मार्गदर्शनाखाली गटातटाचे राजकारण न करता सर्वांना बरोबर घेऊन आपण गावच्या सर्वांगीण विकासासाठी प्रयत्न करणार आहोत.
