संसदेच्या हिवाळी अधिवेशनाची तारीख ठरली! तात्पुरते वेळापत्रक जाहीर, कोणकोणते मुद्दे गाजणार?
मुंबई : राज्य विधिमंडळाचे आगामी हिवाळी अधिवेशन येत्या ८ डिसेंबरपासून सुरू होणार असल्याची घोषणा विधिमंडळ सचिवालयातर्फे करण्यात आली आहे. या अधिवेशनाचे तात्पुरते वेळापत्रक विधिमंडळ सचिवालयाने नुकतेच जाहीर केले आहे. आता या अधिवेशनात कोणकोणते मुद्दे गाजणार? याची उत्सुकता शिगेला पोहचली आहे.
हिवाळी अधिवेशन येत्या 8 डिसेंबर पासून १९ डिसेंबरपर्यंत सुरू राहणार आहे.वेळापत्रकानुसार, पहिल्या दिवशी पुरवणी मागण्या सादर केल्या जाणार असून १० आणि ११ डिसेंबर रोजी या मागण्यांवर चर्चा केली जाईल. ११ डिसेंबर रोजी पुरवणी मागण्यांवर मतदान घेऊन त्या मान्य केल्या जातील. १३ आणि १४ डिसेंबर रोजी अधिवेशनाच्या कामकाजाला सुट्टी जाहीर केली. दुसऱ्या आठवड्यात शासकीय कामांचे नियोजन आहे. अखेरच्या दिवशी म्हणजेच १९ डिसेंबर रोजी अशासकीय कामकाज पूर्ण केले जाणार आहे..
आगामी काळात राज्यात स्थानिक स्वराज्य संस्थांच्या निवडणुका होऊ घातल्या आहेत. त्यामुळे या हिवाळी अधिवेशनात नेमक्या कोणत्या घोषणा केल्या जातात, याकडे सर्वांचे लक्ष लागून राहिले आहे. सध्या राज्यात अतिवृष्टीमुळे शेतकऱ्यांवर संकट ओढवले असून, शेतकऱ्यांसाठी राज्य सरकारकडून कोणती घोषणा या अधिवेशनात केली जाते, याकडे राज्याचे लक्ष लागून आहे.
