Pune Accident News : पुण्यात स्कूल बसचा भीषण अपघात! अनेक विद्यार्थी जखमी, घटना CCTV मध्ये कैद…
Pune Accident News : पूण्यात एका स्कूल बसचा भीषण अपघात झाल्याची घटना समोर आली आहे. हा अपघात वाघोली येथील रायझिंग स्टार या शाळेची बस झाडावर आदळल्याने झाला. यामध्ये बस मधील काही विद्यार्थी जखमी झाले असून त्यांच्यावर खाजगी रुग्णालयात उपचार सुरू आहेत.
या अपघातामुळे पुन्हा एकदा स्कूल बसमधील विद्यार्थ्यांच्या सुरक्षेचा प्रश्न उपस्थित केला जात आहे. याप्रकरणी लोणीकंद पोलीस ठाण्यात बसच्या चालकावर गुन्हा दाखल करण्यात आला आहे. पुढील तपास पोलीस करत आहेत. Pune Accident News
या अपघाताचा सीसीटीव्ही व्हिडीओही समोर आला आहे. या सीसीटीव्हीमध्ये रस्त्याच्या बाजूला असलेल्या झाडावर अत्यंत वेगाने स्कूल बस येऊन धडकताना दिसते. बसचा दरवाजाकडचा भाग म्हणजेच डावा भाग झाडाला धडकल्यानंतर व्हिडीओमध्ये बसची डॅशबोर्डची काच उडून समोर पडताना दिसते. बसचा अपघात झाल्यानंतर बसमधील मुलांचा आरडाओरड आणि किंकाळ्याही ऐकू आल्याची माहिती समोर येत आहे.
सुदैवाने या अपघातामध्ये जिवितहानी झालेली नाही. मात्र पैसे मोजूनही मुलांच्या सुरक्षेबद्दल असा बेजबाबदारपणा पाहून पालकांनी संताप व्यक्त केला आहे. या बसेसवर आरटीओचे नियंत्रण नसल्याचा आरोप पालक वर्गाकडून केला जात आहे.
