Zika Virus : पुणेकरांसाठी चिंताजनक बातमी! झिका विषाणूचा झटपट प्रसार, दोन गर्भवती महिलांसह जणांना ६ लागण…
Zika Virus : पुण्यात झिका विषाणूचा प्रसार होत आहे. शहरात संसर्गाचे 6 रुग्ण आढळले आहेत. विशेष म्हणजे यामध्ये दोन गर्भवती महिलांचाही समावेश आहे. एरंडवणे परिसरातील २८ वर्षीय गर्भवती महिलेला झिका विषाणूची लागण झाल्याचे आढळून आले.
आता गेल्या शुक्रवारी तिचा अहवाल पॉझिटिव्ह आला तर सोमवारी आणखी एका गर्भवती महिलेला संसर्ग झाल्याचे निदान झाले. एका अधिकाऱ्याने सांगितले की, दोन्ही महिलांची प्रकृती ठीक आहे.
गर्भवती महिलांमध्ये, झिका विषाणूमुळे गर्भामध्ये मायक्रोसेफली (असा स्थिती ज्यामध्ये मेंदूच्या असामान्य विकासामुळे डोके खूपच लहान होते) होऊ शकते. झिका विषाणू संसर्गाचा पहिला रुग्ण एरंडवणे येथे आढळून आला, जेव्हा 46 वर्षीय डॉक्टरचा अहवाल पॉझिटिव्ह आला होता. Zika Virus
झिका विषाणू एडिस इजिप्ती आणि अल्बोपिक्टस या संक्रमित डासांच्या चाव्याव्दारे पसरतो. हा विषाणू लैंगिक संपर्काद्वारे, रक्ताच्या संसर्गाद्वारे किंवा प्रसूतीदरम्यान संक्रमित मातेकडून मुलामध्ये प्लेसेंटाद्वारे खूप वेगाने पसरतो. म्हणून, गर्भवती महिलेने पहिल्या तिमाहीत अल्ट्रासाऊंड स्क्रीनिंग करताना सावधगिरी बाळगली पाहिजे.
गर्भवती महिलांसाठी अधिक धोकादायक…
जर गर्भवती महिला झिका विषाणूच्या बळी ठरल्या तर गर्भामध्ये मायक्रोसेफली होऊ शकतं. ही अशी स्थिती आहे, ज्यामध्ये मेंदूच्या असामान्य विकासामुळे बाळाचं डोकं खूपच लहान होतं.
