तरुणी काकाकडे राहायला आली, चुलत भावाचे धक्कादायक कृत्य, बहीण गर्भवती, वडिलांची लग्नासाठी विचारणा अन्…
अमरावती : काकाकडे राहण्यासाठी आलेल्या मुलीवर चुलत भावाने वारंवार तिच्यावर अत्याचार केला. सदर प्रकाराची वाच्यता न करण्यासाठी त्याने तिला जीवे मारण्याची धमकीसुद्धा दिली. ही घटना ३० नोव्हेंबर २०१७ रोजी शेंदूरजनाघाट ठाण्याच्या हद्दीत उघडकीस आली होती.
मिळलेल्या माहिती नुसार, पीडित १९ वर्षीय तरुणी ही मे २०१७ मध्ये आपल्या वडिलांसह काकाकडे गेली होती. वडील तिला काकाकडे सोडून गावी परतले. काकाकडे वास्तव्यास असताना आरोपी चुलत भावाने वारंवार तिच्यावर अत्याचार केला.
सदर प्रकाराची वाच्यता न करण्यासाठी त्याने तिला जीवे मारण्याची धमकीसुद्धा पीडित तरुणीने याबाबत कुणाला काहीही सांगितले नाही. दरम्यान, पीडित तरुणीला गर्भधारणा झाली. त्यामुळे पीडित तरुणीने याबाबत आपल्या आईला सांगितले.
ही बाब कळताच पीडित तरुणीच्या वडिलांनी आरोपी चुलत भावास आपल्या मुलीसोबत लग्न करण्याबाबत विचारणा केली. मात्र आरोपी चुलत भाऊ आणि त्याच्या वडिलाने लग्नास नकार दिला. त्यामुळे व्यथित झालेल्या पीडित तरुणीने ३० नोव्हेंबर २०१७ रोजी शेंदूरजनाघाट ठाण्यात दाखल केली.
तक्रारीवरून पोलिसांनी गुन्हा दाखल करून तपासाअंती आरोपपत्र न्यायालयात दाखल केले. सदर प्रकरणात न्या. आर. व्ही. ताम्हाणेकर यांच्या न्यायालयात १० साक्षीदारांची साक्ष तपासण्यात आली.
साक्षीदारांची साक्ष आणि सरकारी पक्षाचा युक्तीवाद ग्राह्य धरून न्या. आर. व्ही. ताम्हाणेकर यांच्या न्यायालयाने आरोपी वडिलांना चुलत भावास १० वर्षे सश्रम कारावास, १० हजार रुपये दंड व दंड न भरल्यास ३ महिने अतिरिक्त कारावासाची शिक्षा सुनावली.
