38 वर्षांचा संसार मोडला! अभिनेता गोविंदावर गंभीर आरोप करत पत्नीकडून घटस्फोटासाठी अर्ज दाखल…
मुंबई : अभिनेता गोविंदा आणि त्याची पत्नी सुनीता आहुजा यांच्या वैवाहिक आयुष्याच वादळ आल्याच्या चर्चा खऱ्या ठरताना दिसत आहेत. सुनीता आहुजा यांनी गोविंदावर नात्यात फसवणूक केल्याचा, मानसिक त्रास दिल्याचा आरोप करत घटस्फोटासाठी अर्ज दाखल केल्याचं म्हटलं जात आहे.
यासंदर्भात अधिकृत माहिती अद्यार समोर आली नाहीये. असं असलं तरी घटस्फोटाचा आरोप करताना सुनीता यांनी गोविंदावर क्रूरतेची वागणूक दिल्याचा आरोपही केलाय. २०२४ च्या डिसेंबरमध्ये वांद्रे कुटुंब न्यायालयात घटस्फोटासाठी अर्ज दाखल करण्यात आला असून, सुनीता यांनी हिंदू विवाह कायद्यांतर्गत व्यभिचार, क्रूरता या कारणांचा उल्लेख केला आहे.
सुनीता आहुजा यांनी गोविंदापासून घटस्फोट घेण्यासाठी अर्ज दाखल केला आहे. हिंदू विवाह अधिनियम 1955 च्या कलम 13 (1) (i), (ia), (ib) अंतर्गत घटस्फोटाची याचिका दाखल केल्याचं म्हटलं जात आहे.
या घटस्फोटाच्या अर्जात त्यांनी गंभीर आरोप केले असल्यानं चर्चेला उधाण आलंय. नात्यात फसवणूक झाली, मानसिक छळ, गेल्या काही वर्षांपासून गोविंदा वेगळं राहत असल्याचं सुनीता यांनी या याचिकेत म्हटलय.
मिळालेल्या माहितीनुसार, सुनीता यांनी डिसेंबर २०१४ मध्येच वांद्रे कुटुंब न्यायालयात घटस्फोटासाठी अर्ज दाखल केला होता. या प्रकरणात न्यायालयाकडून गोविंदाला समन्स बजावण्यात आलं होतं, परंतु तो न्यायालयात हजर झाला नाही.
दरम्यान, सुनीता आहुजा यांनी काही दिवसांपूर्वी युट्यूबवर एक व्हिडिओ शेअर करत घटस्फोटाच्या अफवांवर प्रतिक्रिया दिली होती. मी माझ्या देवीला प्रार्थना करत होते की मला असं लग्न मिळू दे, जिथं मी आनंदी राहीन. माझा देवीवर पूर्ण विश्वास आहे आणि तिनं माझी इच्छा पूर्ण केली. मी गोविंदाशी लग्न केलं आणि तिनं मला दोन सुंदर मुलं दिली. असं त्या म्हणाल्या होत्या.
