अश्लील व्हिडिओ पाहण्यात गुंग, अचानक समोर स्वत:चाच व्हिडिओ, गर्लफ्रेंडसोबत…तरुणाच्या पायाखालची जमीनच सरकली, नेमकं घडलं काय?
नवी दिल्ली : जगभरातील अनेकजण इंटरनेटवर अश्लील व्हिडिओ पाहत असतात. अशातच आता इंटरनेटवर असेच अश्लील व्हिडिओ शोधणाऱ्या एका व्यक्तीला मोठा धक्का बसला, जेव्हा त्याच्यासमोर स्वतःचाच व्हिडिओ आला.
ही घटना हाँगकाँगमधील एरिक नावाच्या व्यक्तीसोबत घडला आहे. त्यामुळे त्याची झोप उडाली. एरिक २०२३ मध्ये आपल्या गर्लफ्रेंडसोबत चीनला गेला होता. त्यावेळी त्यांनी एका हॉटेलमध्ये मुक्काम केला होता, याच रूममधील व्हिडिओ एका सिक्रेट कॅमेऱ्याच्या सहाय्याने रेकॉर्ड करण्यात आला होता.
त्यानंतर तो इंटरनेटवर अपलोड करण्यात आला असल्याची माहिती समोर आली आहे. एरिकला इंटरनेटवर आढळलेल्या व्हिडिओमध्ये एरिक त्याच्या प्रेयसीसोबत रूमध्ये प्रवेश करताना दिसत आहे. यानंतर दोघे त्यांच्या बॅगा खाली ठेवतात आणि एकमेकांच्या जवळ येतात.
या दोघांनाही माहिती नाही की हॉटेलच्या खोलीत असलेला एक छुपा कॅमेरा त्यांचा व्हिडिओ रेकॉर्ड करत आहे. एरिकने यावर बोलताना म्हटले की हा अनुभव अत्यंत भयानक होता. जेव्हा मी पहिल्यांदा हा व्हिडिओ पाहिला तेव्हा मला विश्वास बसत नव्हता. जेव्हा मी माझ्या प्रेयसीला याबाबत सांगितले तेव्हा तिला वाटले की मी मस्करी करत आहे. पण जेव्हा तिने स्वतः व्हिडिओ पाहिला तेव्हा ती घाबरली.
तिला भीती वाटत होती की तिच्या ओळखीच्या मित्रांनी, कुटुंबातील लोकांनी, नातेवाईकांनी आणि सहकाऱ्यांनी हा व्हिडिओ पाहिला असेल. हा व्हिडिओ समोर आल्यानंतर या जोडप्याची झोप उडाली. या दोघांनी ओळख लपवण्यासाठी आपला पेहराव बदलण्याचाही प्रयत्न केला.
एरिकने या घटनेनंतर मोठा निर्णय घेतला आहे. त्याने आता अशी सामग्री पाहणे बंद केले आहे, तसेच त्याने आता इंटरनेटवर अश्लील व्हिडिओ शोध आणि या वेबसाइटना भेट देणे देखील बंद केले आहे. मात्र तो आपला व्हिडिओ तिथे आहे की नाही हे चेक करत असतो.
महत्त्वाची बाब म्हणजे स्पायकॅम पॉर्न चीनमध्ये दहा वर्षांहून अधिक काळापासून अस्तित्वात आहे. मात्र या देशात पोर्नोग्राफिक सामग्री तयार करणे आणि शेअर करणे बेकायदेशीर आहे. त्याचमुळे असे व्हिडिओ हॉटेलमध्ये गुप्तपणे रेकॉर्ड केले जातात.
