काय सांगता! पुण्यात चक्क पीएमपीएमएल बस गेली चोरीला, काय आहे प्रकरण?
पुणे : पुण्यातून एक मोठी बातमी समोर आली आहे. पुण्यातील पालखी सोहळ्यामुळे बस लावण्यास जागा नसल्याने पीएमपीएमएल बस पूलगेट आगारात न लावता सारसबाग परिसरात लावण्यात आली.
यावेळी बसमध्ये चावी असल्याने चोरट्याने बस चोरून नेल्याचा धक्कादायक प्रकार उघडकीस आला आहे. यामुळे याची चर्चा सुरू आहे. या घटनेमुळे सर्वजण आश्चर्यचकित झाले आहेत.
या प्रकरणी स्वारगेट पोलीस ठाण्यात चोरट्याविरुद्ध गुन्हा दाखल करण्यात आला आहे. बसला चावी होती आणि गर्दीही मोठ्या प्रमाणात होती हिच संधी साधून चोरट्याने बस चोरून नेली. अशी घटना पहिल्यांदाच घडली असावी.
याबाबत पीएमपीच्या स्वारगेट आगारातील अधिकारी सुरेश सोनवणे यांनी स्वारगेट पोलीस ठाण्यात फिर्याद दिली आहे. याबाबत पोलीस तपास करत आहेत.
तसेच बस चोरी करणाऱ्या चोरट्याने बसमधील पाच हजारांची बॅटरी चोरून नेल्याची माहिती समोर आली आहे. यामुळे पोलीस सीसीटीव्ही कॅमेरे चेक करत आहेत. हा प्रकार ठरवून केला असल्याचे सांगितले जात आहे.
