लग्नासाठी मुलगी बघायला निघाले होते कुटुंब, कारचा भीषण अपघात; ६ जणांचा मृत्यू
उत्तर प्रदेश : कारमधील कुटुंबिय लग्नासाठी मुलगी बघायला जात असतांना कार आणि ट्रकच्या जोरादार धडकेत एकाच कुटुंबातील सहा जणांचा जागीच मृत्यू झाला असून तिघे जण गंभीर जखमी झाल्याची धक्कादायक घटना उत्तर प्रदेशातील जौनपूर येथून समोर आली आहे.
अनिश गजाधर शर्मा, गजाधर लक्ष्मण शर्मा, जवाहर रामप्रताप शर्मा, गौतम जवाहर शर्मा, सोनम बजरंग शर्मा, रिंकू पवन शर्मा अशे या भीषण अपघातात मृत्यू झालेल्या एकाच कुटुंबियांतील व्यक्तींची नावे आहे.
मिळालेल्या माहितीनुसार, कारमधील कुटुंबिय लग्नासाठी मुलगी बघायला निघाले होते. सर्वजण बिहारच्या सीतामढी इथं राहत होते. बिहारकडून प्रयागराजच्या दिशेने ते जात असताना कार आणि ट्रकच्या भीषण अपघात झाला.
या अपघातात कुटुंबातील ६ जण ठार झाले आहे. तर यात ३ जण जखमी झाले असून त्यांना उपचारासाठी जौनपूहून वाराणसीला पाठवण्यात आले आहे. धडक इतकी भीषण होती की कारचा चुराडा झाला तर ट्रक रस्त्याकडेला पलटी झाला आहे.
दरम्यान, या भीषण अपघातात ६ जणांचा मृत्यू झाला आहे. तर तिघे जण गंभीर जखमी झाले आहे. अपघातानंतर ट्रक चालक आणि इतर दोघे फरार झाले असून पुढील तपास पोलीस निरीक्षक करत आहेत.
