Weather Update : राज्यभरात अवकाळी पावसाचा शेतकऱ्यांना मोठा फटका, अवकाळी पावसामुळे पिकांचे नुकसान..!!

Weather Update  : महाराष्ट्रातील हवामान बदलले आहे. राज्यभरात तापमानात घट झाली आहे. त्याचबरोबर राज्यातील बहुतांश भागात ढगाळ वातावरण आहे.

पुणे, लातूर, नाशिक, नांदेड, महाबळेश्वरसह अनेक ठिकाणी चांगला पाऊस झाला आहे. मात्र, अवकाळी पावसाने पिकांचे मोठे नुकसान झाले आहे.  या मुळे शेतकऱ्यांना मोठा झटका बसला आहे .

येत्या चार ते पाच दिवसांत राज्यात ढगांच्या गडगडाटासह हलका ते मध्यम पाऊस पडण्याची शक्यता हवामान खात्याने वर्तवली आहे. या काळात काही ठिकाणी गारपीट होण्याची शक्यता असून, ऑरेंज अलर्ट जारी करण्यात आला आहे. Weather Update

तर मध्य महाराष्ट्र, मध्य मराठवाडा, विदर्भाच्या काही भागात, दक्षिण कोकणात काही ठिकाणी मेघगर्जनेची स्थिती आहे. या काळात काही ठिकाणी वादळ आणि गारपीटही होऊ शकते.

महाराष्ट्रातील काही भाग वगळता, गेल्या दोन दिवसांपासून महाराष्ट्राच्या बहुतांश भागात वादळी वारे सुरू आहेत. पुणे, कोल्हापूर, सातारा, नाशिक, सांगली, जालना, संभाजीनगर आणि अहमदनगर तसेच विदर्भातील अनेक जिल्ह्यांसाठी ऑरेंज अलर्ट जारी करण्यात आला आहे.