ज्येष्ठ अभिनेत्री भारती गोसावी यांचे हृदयविकाराच्या झटक्याने निधन, सिनेसृष्टीत हळहळ…
मुंबई : मराठी चित्रपट आणि नाट्यसृष्टीतील ज्येष्ठ आणि बहुआयामी अभिनेत्री भारती गोसावी यांचे शुक्रवारी हृदयविकाराच्या झटक्याने निधन झाले. त्या ७५ वर्षांच्या होत्या. मराठी चित्रपट आणि नाट्यसृष्टीत त्यांनी आपल्या अभिनयाने विशेष छाप पाडली होती. त्यांच्या निधनाने मराठी कला विश्वात शोककळा पसरली आहे.
भारती गोसावी यांनी आपल्या दीर्घ कारकिर्दीत मराठी चित्रपट, नाटकं आणि दूरचित्रवाणी मालिकांमध्ये विविध भूमिकांद्वारे अमीट ठसा उमटवला. त्यांची नैसर्गिक संवादशैली, सशक्त अभिनय, आणि भावस्पर्शी व्यक्तिरेखा आजही रसिकांच्या मनात घर करून आहेत.
गोसावी यांच्या कुटुंबीयांनी सांगितले की, शुक्रवारी सकाळी त्यांना अस्वस्थ वाटू लागले आणि तातडीने त्यांना रुग्णालयात दाखल करण्यात आले. मात्र, डॉक्टरांच्या प्रयत्नांना यश आले नाही आणि हृदयविकाराच्या तीव्र झटक्याने त्यांनी अखेरचा श्वास घेतला.
‘तुझे आहे तुजपाशी’ या गाजलेल्या नाटकात त्यांनी गीताची भूमिका साकारत प्रेक्षकांना खिळवून ठेवलं होतं. त्यांनी अत्रे थिएटर्स, कलावैभव, चंद्रलेखा आणि नाट्यमंदार या प्रतिष्ठित संस्थांमधून काम करत मराठी रंगभूमीची शान वाढवली होती.
भारती गोसावी यांनी अत्रे थिएटर्स, कलावैभव, चंद्रलेखा, नाट्यमंदार या संस्थांच्या नाटकात काम केले. काशिनाथ घाणेकर, अविनाश खर्शीकर यांच्यासोबत त्यांनी ‘तुझे आहे तुजपाशी’ या नाटकात गीताची भूमिका साकरली होती.मराठी चित्रपटसृष्टीतील अनेक दिग्गजांनी भारती गोसावी यांच्या निधनाबद्दल दु:ख व्यक्त केले आहे. सामाजिक माध्यमांवरही अनेकांनी त्यांना श्रद्धांजली वाहिली आहे.
